تذكر الفنان رامي صبري، شقيقه الراحل، "كريم"، بهدية، عبارة عن أغنيه جديدة بعنوان: "حالة اكتئاب". 

وطرح رامي أغنيته الجديدة، عبر قناته الرسمية على "يوتيوب"، وتقول كلماتها التي وضعتها عبير الرزاز: "مبقتش بزعل المشكلة مابقتش فيك دي فيا إنك مهما تعمل على نفسي بقبل، حتى السكوت أو الاعتذار بقى عندي أسهل، أحسن كتير من ناس يقولوا في حبي بفشل، أحسن كتير من ناس يقولوا في حبي بفشل، معرفش مالي أكيد بجد أنا عندي حالة اكتئاب مش لاقي حاجة، في حياتي حلوة بعد ما انا عشت في عذاب، معرفش مالي أكيد بجد أنا عندي حالة اكتئاب مش لاقي حاجة، في حياتي حلوة بعد ما انا عشت في عذاب، مبقتش بزعل، مبقتش بزعل".

وروج رامي صبري، للأغنية، عبر حسابه على "فيسبوك" وكتب: "هتسمعوا دويتو حالة اكتئاب، اللي كلنا حضرناه في الفترة اللي فاتت، بعد وفاة أخي الغالي كريم صبري، دايما كنت بقول لكريم نغني مع بعض، وهو كان بيرفض بسبب أنه عاوز يغني أول أغنية من غير مساعدتي، ودا كان من وجهة نظره اللي مكنتش مقتنع بيها".

وأضاف: "بس كنت دايما بسيبه براحته، لحد لما توفي في صدمة ليا وللجميع.. كنت غالي عليا أوي يا حبيبي، في الجنة إن شاء الله، ربنا يرحمك ويصبرنا أنا ووالدتك ووالدك وإخواتنا، على غيابك وعدم وجودك معانا في البيت، يا ريت كل اللي يشوف الفيديو يدعيله".

وفي سياق متصل، استعاد الفنان رامي صبري قوته، وقرر أن يعود إلى العمل، مع بداية شهر أغسطس الجاري، حيث كتب مؤخراً على حسابه عبر "إنستجرام": "إن شاء الله هرجع اشتغل تاني، وآسف جدا على إلغائي أو عدم حضوري للأفراح والحفلات في الفترة الماضية، لعدم قدرتي على الغناء بسبب وفاة أخي الغالي (كريم)، ربنا يرحمه وميكتبهاش لحد.. اللهم آمين".