"أنا رايح لربنا.. هو عايزني"، تلك الكلمات كانت آخر ما تلفظ به مايكل عماد، 24 سنة، عامل جبس امبورد، قبل أن يلقى بنفسه من الطابق الرابع عشر بإحدى العقارات بالمرج.

 وانتقلت عدسة "دار الهلال" إلى مقر الحادث لكشف ملابسات الواقعة.

في البداية، قالت أحلام، إحدى جيران المتوفي، وإحدى شهود العيان: "كنا قاعدين عادي وسمعنا صويت رج المنطقة فطلعنا لقينا مايكل بيحاول يرمي نفسه من الشباك بس لحقناه في الأول، وقعدنا نهدي فيه لحد ما بقى كويس ونزلنا، وكان مش طبيعي ساعتها، وعمال يقول يا رب بعلو صوته والكلمة بتهز المنطقة.. أنا رايح عند ربنا.. هو عايزني، ونقوله ربنا ما بيخدش حد كافر، وهو يقول لا هو عايزني وأنا هطلع عند ربنا، ومصمم يرمي نفسه". 

وتابعت: "حينما هدأ مايكل توجه الجيران إلى منازلهم حتى هرب مايكل وألقى بنفسه من الشباك في الخامسة فجر أمس". 

واستطردت شاهدة العيان: "على الفور نزلت أسرة المتوفي إلى الشارع وظل الأب يبكي ويصرخ ويحتضنه بحرقه حتى وجد أتوبيس متجه عليه وألقي بنفسه أمام الأتوبيس ولكن وقف السائق على الفور فقال له والد مايكل: ممشيتش ليه.. ايه اللى وقفك". 

وأضافت أحلام : "فضلنا معاه ومسكينه علشان ميدخلش المطبخ يجيب سكينة". 

وتابعت أن والدة المتوفي قالت إن نجلها كان يعاني من مرض نفسي منذ حوالي 6 شهور وكان بيتعالج ولم يدمن أي نوع من أنواع المواد المخدرة ولم يمر بحالة عاطفية وإلا أسرعت لخطبتها، وكان نفسي أفرح به ده هو البكري وهو ابن قلبي وشاطر جدا لدرجة أن باباه بقى هو اللي بيشتغل وراه".

لمشاهدة الفيديو اضعط هنا.