طرح المطرب لؤي، اليوم، أحدث أغانيه بعنوان "قرصة تعبان"، على القناة الرسمية لشركة "آي ميديا" المالكة لحقوق الدجيتال عبر "يوتيوب"، من كلمات أحمد حسن راؤول، ألحان أحمد زعيم، توزيع وسام عبد المنعم، جيتار مصطفى نصر، طبلة أحمد عيادي، وصولو كمان محمد مدحت، وإنتاج "شرقي برودكشن".

وتقول كلمات الأغنية: "الدنيا دي باب بيودي لباب سرداب بالخوف مليان.. وبناخد كل قلم عالوش.. مفيش معلش كمان.. تهرب ممنوع هتموت م الجوع..ولا بقرصة تعبان..تهرب ممنوع هتموت م الجوع..ولا بقرصة تعبان..واللي بيعمل نفسه حبيبك.. بيلاعبك عالحبلين..جنبك بيبان طيب غلبان..تعلب ماشي بوشين..م الهم بقيت ضهرك للحيط..انسان مقسوم نصين..م الهم بقيت ضهرك للحيط..انسان مقسوم نصين..شايل في حمول م الماضي..حملك بيهد كتافك..مع إنك صابر راضي..مادد على قد لحافك..ووقعت في أكبر فخ..واخد قفا نازل طااااخ..ولا صاحب جه ولا أخ..الكل عمل ولا شافك..شايل في حمول م الماضي..حملك بيهد كتافك..مع إنك صابر راضي..مادد على قد لحافك..ووقعت في أكبر فخ..واخد قفا نازل طااااخ..ولا صاحب جه ولا أخ..الكل عمل ولا شافك..في أبالسة في جلسة..اتفقوا وخالصة يبيعوا ويشتروا فيك..دنيا مظبطة ومزاد والعطا غطا للي هيلعب بيك..تنطق ممنوع نفسك مقطوع..تجري ويرجع يلاقيك".

ويذكر أن لؤي طرح مؤخراً أغنية تحمل أسم "أخر نسخة" مع بداية عام 2021، على القناة الرسمية للشركة المنتجة عبر "يوتيوب"، حققت الأغنية نجاحاً كبيراً، حيث حصدت مليون و562 ألف مشاهدة عبر "يوتيوب".

"آخر نسخة" من كلمات نور عبدالله، الحان مصطفى العسال، توزيع ادهم دهيمة، ميكس احمد حسام و الهامي دهيمة، ماسترينغ امير محروس، اخراج عادل سرحان، انتاج لايف ستايلز ستوديوز.