تصدر اسم الفنان أحمد كامل تريند موقع التواصل الإجتماعي (تويتر)، وتسبب في حدوث ضجّة بين الجمهور بعدما طرح أغنيته الجديدة بعنوان «على عيني» عبر القناة الرسمية على يوتيوب أمس وحققت نسبة مشاهدة حتى الآن 677 ألف مشاهدة.

وتفاعل الجمهور بشكل كبير مع الأغنية حيث تداول تعليقات مثل "احمد كامل عامل عظمه حقيقي" ومتابع علق قائلاً : "‏حد يشيل اغنيه احمد كامل الجديده من دماغي بجد" وآخر يعلق "‏اغنية احمد كامل الجديده جبتلي اكتئاب اكتر مانا مكتئب بس هي جامده " وأحدهم علق "‏كلمات اغانى احمد كامل بتخليك تدخل فى مود الوحده والاكتئاب حتى لو ملكش دعوه باللى بيقوله ودى حاجه حلوه اوى"  والأخيره تعلق "‏اللي مسمعش أغنية أحمد كامل الجديدة فايته العظمة "

يذكر أن الأغنية من إنتاج محمد محسن جابر، كلمات مصطفى ناصر، ألحان أحمد كامل، توزيع موسيقي، إسلام الأزرق، ومن إخراج عمر زكى

وكان قد أحيا أحمد كامل حفلًا غنائيًّا له في يوم السبت الماضي الموافق 14 من أغسطس بساقية الصاوي.

وتقول كلمات الأغنية:

انا كداب .. انا مانستش

فضلت استنى واتاري حكايتنا اللي مستنتش

ومهما بغني لغيابك وللنسيان

رجوعك غنوة لسة ف قلبي ماتغنتش

اشوفك فين .. وحشتيني

غيابك مش وجع هيروح .. ده شوك ماشي فـ شراييني

بقيت ماكرهش سيرة الموت

عشان انا مت فعلا لما نسيتيني 

على عيني اشوفك جاية قدامي وابص بعيد

على عيني تفوت بينا الليالي وتنتهي المواعيد

على عيني اقول للناس .. حكاية وانتهت وخلاص

وانا فـ سري بحبك تاني كل ما اقول هحب جديد

تعبت خلاص من التمثيل

انا لا بخير ولا قلبي بقى عايش ومش بيميل 

بتوّه نفسي فـ الدنيا والاقيني

بقول الصبح انا كويس .. واموت بالليل

طلعتي لسة ويايا

ومانستكيش ولا هنسى .. ولا وجعي ده ليه نهاية

فرحت اني بقيت مابكيش قصاد الناس

واتاري دموعي نزلت مني جوايا"