حرص الفنان حسن الرداد، على تهنئة شقيقته الصغرى بمناسبة عيد ميلادها، متمنيًا لها عام جديد ملئ بالصحة والسعادة، مؤكدًا على حبه الشديد لها.

زنشر "الرداد" عبر حسابه على "فيسبوك"، صورتهما بمرحلة الطفولة مرفقًا جوارها صورة تجمعهم خلال فترة الشباب، وعلق عليها: "أنتي أختي و بنتى و نور عينى، كل سنه وإنتى طيبة وعقبال مليون سنه كلهم سعادة و صحة وأيام جميلة يا حبيبتى، ربنا يخليكى لى يحقق لك كل اللى بتتمنيه".

وتداول النشطاء على موقع فيسبوك، خلال الأيام الماضية، فيديو لوصية بكلمات مؤثرة من النجمة الراحلة دلال عبد العزيز للفنان حسن الرداد، تحدثت فيه عن ما تتمناه منه فيما يخص معاملة ابنتها إيمى، وهو الفيديو الذي عُرض خلال حلول الفنان ضيفًا على أحد البرامج التيلفزيونية على قناة النهار.

وخلال الفيديو قالت دلال عبد العزيز: "حسن مش محتاج توصية لأن حسن ابن ناس وفاهم الأصول كويس أوي وهو عارف واخد مين وبيحبها وبيحب العيلة كلها واحنا كمان بنحبهم".

وأضافت: "دايما دعوتى ليهم ربنا يخليهم لبعض ويهدى سرهم ويكفيكم شر عيون الناس ويكفيكم شر ولاد الحرام.. أنا بعامل حسن من قلبي وبحب.. لأن أولا اشتغلت مع حسن قبل ما اشتغل مع إيمى فى مسلسل ابن الأرندلى من 2009  وبيبقى قلبى عليه وهو بيشتغل.. هو وإيمي عندهم كيميا في الفن .. هو فنان وجميل وموهوب سونسون حبيبي".

ومن جانبه رد "الرداد" قائلاً:"عمري ما حسيت أنها حماة هى أم.. عمري ما شفت منها غير كل حاجة طيبة ودايما لو في حاجة بينى وبين إيمي هي على طول بتيجى معايا وبشوف إنه رزق غير إن ربنا يرزقك بزوجة كويسة يرزقك إن أهلها يبقوا كويسين".