تداول رواد موقع التواصل الاجتماعي "فيسبوك" منشورًا أثار الإعجاب، حيث يتحدث عن عروسة قررت أن تتخلى في ليلة زفافها عن كل ما يتعلق بالبهجة، فقامت بتفصيل فستان الزفاف بنفسها ووضعت لنفسها المكياج، من أجل التخلي عن المصاريف الزائدة التي لا حاجة لها.

وقال المنشور :"ديه نانسي و جوزها مارك، ناس غاليه عليا جدا .. روحت اباركلهم عشان فرحهم و مصدقتش اللي قالوهولي، عملت ايه بقي نانسي يوم فرحها، نانسي لبست فستان فرحها اللي هي فصلته، نانسي حطت مكياج فرحها برضوا لنفسها ليه ؟  عشان اكتر من سبب :  عشان تكون نفسها، عشان تبقي علي طبيعتها، وعشان توفر لجوزها و باباها مصاريف ملهاش لازمه ".

وأضاف المنشور :"نانسي عرفت تعيش فرحها بطريقتها، براڤوا نانسي، يارب بس يبقي عندنا شجاعه نانسي واحنا خارجين خروجه عاديه مش واحنا رايحين فرحنا".

وتوالت التعليقات على صور العروسة ومنها :" انا عملت كده في فرحي.. لما رحت الكوافير ماقلت اني عروسه.. وعملت المكياج في البيت"، و"جميلة جدا ربنا يفرحها و طبعا برافو عليها انها عرفت تعمل كل ده، بس الفكرة ان مش كل البنات بتعرف تفصل أو بتعرف تحط ميكاب لنفسها و انا واحدة من البنات دي بس بتبقى لازم ناجر أو نحجز مع حد ميكاب عشان نفسنا مش عشان فشخره"، و"برافو عليكي ربنا يسعدهم مش لازم الوحده تفع دم قلبها عشان تبقي قمر بالعكس بجمالها ورقتها الحقيقيه انها تبان بنت ناس في تصرفاتها".