تداول على «فيس بوك» صورًا لإعلان غريب  يتضمن لافتة إعلان كبيرة متواجدة في مناطق سكنية مختلفة وتعلن اللافتة عن وجود شقة لوكس بمبلغ اثنين جنية مصرياً فقط لا غير وعلق أحد نشطاء الفيسبوك على الإعلان مرفقاً بالصور " " #اشتري_مني  2 جنيه مين؟ 2 جنيه بتوعنا؟ اللي بيقعوا مننا ومابناخدش بالنا؟! نقدر نجيب بيهم شقة لوكس؟!
اللي فاهم إيه القصة دي يقولنا عشان نستغلها بسرعة". 

وبدأت تخمينات الجمهور حيث رد متابع وقال:  "٢ جنيه في دقيقة يعني في ٦٠، يعني ١٢٠ في ٢٤ = ٢٨٨٠ في اليوم في شهر = ٨٦٤٠٠ نقدر نقول ده سعر المتر و لو شقة ١٣٠ متر يعني مليون و ١٠٠ الف و كسر بسيط  " علق الأخر قائلا: "هو فى فكرتين ..الأولى انه فعلا مطعم وحيعمل اعلان السندوتشات انه ارخص من اى حد و٢ جنيه بس الفكرة الثانية يكون اعلان شقه فعلا ويعمل ان الى حيدفع ٢ جنيه تكون من نصيبه الشقه ويلم عدد كبير من الناس ويعمل قرعه والاسم الفايز يبقى فعلا اخد الشقه ب ٢ جنيه وهو كصاحب الشقه اكيد اخد فلوس اكتر من أمنها بكتير ..شوف بقى كام واحد حيطمع فى شقه بـ٢ جنيه"
وأضاف آخر :"هيدفعوا الشعب كله 2 جنيه وواحد بس هو اللي هياخدها " واقترح ناشط وعلق قائلاً :"ولله ياريت يطبقوا فكرة الشاب البريطاني اللي عمل قرعة وخلى كل واحد يدفع اتنين جنيه استرليني واللي اتقدموا كانوا كتير وباع بيته ب اكتر من تمنه المستحق وف الاخر واحد هياخد البيت والباقي هيقولوا زي ما قولت كدة دول اتنين جنيه استرليني مش قضية ف الناس كلها كسبانة صراحة ياريت ده يتطبق ف مصر"  وقال متابع في إطار كوميدي " شقة فول دي ولا ايه " والأخير يرد " يعني ادفع ٤ مليون وقسط علي ٢ جنيه كل يوم "