كشفت الإعلامية ريهام سعيد عن أخر تطورات حالتها الصحية من داخل المستشفى إثر إصابتها بفيروس كورونا وطلبت من جمهورها الدعاء لها، وكتبت على صفحتها عبر "فيسبوك": " شكرا  لدعواتكم انا مش احسن و لسه هافضل في المستشفي ارجو الدعاء و من قلبي الحمد لله". 

وفي وقت سابق نشرت ريهام سعيد فيديو لها من داخل المستشفى ووجهت الشكر لجمهورها وطلبت منهم الدعاء لها وعلقت على الفيديو "أنا مش عارفة اشكركوا أزاي على دعاءكم، أنا محتاجة دعاءكم جدا لحد بعد بكرة ميعاد الأشعة، ربنا يخليكوا ليه أنتوا بجد سند وضهر دعاء 40 غائب بيعمل فرق، والدعاء بيرد القدر جميلكوا عى راسي من فوق".

وكانت ريهام سعيد قد أعلنت عن إصابتها بفيروس كورونا المستجد، وكتبت على حسابها عبر "فيسبوك": "بقالي أسبوعين بعاني من كورونا والحمد لله الرئة أتاثرت واتحجزت في المستشفى من شوية إحساس غريب وانت عندك حاجة مميتة بتراجع نفسك كتير وتحاسب نفسك كتير أكيد غلطت لكن عمري ما قصدت كان دائما الغرض نفع الغير وإظهار الحقيقة".

وأضافت: "شكرا يا رب على حبك ليه وشكرا على ابتلاءاتك الكتير اللي بتدل على اهتمامك بيا إذا كانت دي النهاية يا رب أحسن خاتمتي وأحسب لي كل عمل عملته لوجهك الكريم يا رب أنت الوحيد اللي عارف أنا عملت ايه وكانت نيتي دائما أيه.. استحملت وصبرت على افترا وظلم كتير".

وتابعت: "يا رب اغفر لي وسامحني و خلي بالك من أولادي اذا كان ده اختبار من اختباراتك ولسه في العمر بقية يا رب أشفيني وأقف جنبي وسهل عليا محنتي أنا راضيه بأي شىء، نصيحة لكل واحد بيهاجم مشهور أو ناجح انت بتاخد ذنب رهيب انتوا بتاخذوا من اعصابنا و صحتنا وكله على باطل خلوا بالكوا الأذية دي وحشة اوي وهاتقعد للك في أعز ما عندك أرجو الدعاء بالخير ليه أي كان هو أيه".