أكد الفنان أحمد فهمي، أن زوجته تعامله مثل: شهريار في بيته، مضيفا: «عشان ظروف شغلي كلها صعبة، والتصوير كتير، وكتابة السيناريوهات أيضا، فلما بارجع بلاقي بيتي منظب، وكل أجوائه حلوة، وزوجتي بتعمل لي كل حاجة».

وعن فرض رقابة على موقع التواصل الاجتماعي، «فيس بوك»، قال فهمي: «لا أؤيد ذلك؛ لأن اللي هيبقى عايز يعمل حاجة هيعملها، ولا أويد حتى الرقابة على السينما، ولما الأفلام يبقى مكتوب عليها +12 أو +18، هتلاقي الكل بيتفرج، لأن دايما  الممنوع مرغوب، والصورة هتوصل بشكل أسوأ».

وأضاف، في حوار مع برنامج «احكي يا شهريار»، على إذاعة «نجوم إف إم»، أمس: «كنت ضد المدارس المنفصلة؛ لأنها بتولد كبت عند الطلاب، المهم نوعي الناس يتعاملوا إزاي مع بعض».