تصدر اسم الفنانة والإعلامية ريهام سعيد، تريند محرك البحث "جوجل"، وذلك بعدما كشفت عن تعرضها  للسحر الأسود، على يد زميلة لها تريد تدمير حياتها.

ونشرت ريهام سعيد بالأمس فيديو بث مباشر لها، عبر صفحتها علي موقع التواصل الإجتماعي "فيس بوك"، تتحدث فيه عن إصابتها بالسحر لوقف الحال.

وقالت ريهام سعيد: "قضيتي إني مؤمنة إن كل شوية بيتعمل لي سحر بوقف الحال والشغل والمرض والطلاق، والناس بتاعة ربنا اللي مش بيقى ليها في الدجل والشعوذة، بيقولولي إن أنا معمول لي سحر وكل ما يتفك الجهة دي بتجدده، وللأسف هي مش جهة واحدة اللي بتعمل كده.. ناس كتير أوي وأسبابهم مختلفة".

وأضافت: "طبعًا كل اللي بيحصل بإذن الله ومن عند ربنا، فأنا مقتنعة أن كل اللي بييجي من عند ربنا خير، لكن أنا تعبت من موضوع السحر لأن بيحصل أمور غير طبيعية ولا تتوافق مع قدراتك"، وقالت إن الداعية مصطفى حسني قال لها إن "سورة البقرة قوية جدًا".

وتابعت ريهام: "كل ما أجي أمسك سبحة لأذكر أذكار الصباح والمساء يحصل حاجة ومعرفش أقولها.. فعلاً الحاجات دي مُتعبة والناس اللي بتعمل فيّ كده مش عايزة تهدأ غير لما يتقضي علىّ خالص.. أنا زهقت وفكرة أن حد يأذيني بتبقى صعبة أوي".

وواصلت: "عايزة اقرأ سورة البقرة كل يوم وعايزة أعمل أذكار الصباح والمساء وبدعي ربنا أن يبعد عني هذا السحر، والحسد صعب.. أنا لما بصلي بنهار من الدموع وقرأت لشيوخ بيقولوا أن ده من علامات الحسد".

واختتمت: "السحر طلع عالم أسود، اوعوا تروحوا لشيوخ بحجة أنه يعرف أن عندك حاجة.. لأنه بيكشف عليكي وكل مسام جسمك بتتفتح فبتبقى معرضة أكثر للسحر والحسد".