تصدر اسم الفنانة حنان شوقي، تريند محرك البحث "جوجل"، وذلك بسبب تصريحاتها وهجومها على الفنان محمد رمضان، خلال لقائها مع الإعلامية رغدة شلهوب، في برنامج "نص الكلام"، المذاع على شاشة قناة "النهار".

وقالت حنان شوقي خلال لقائها ببرنامج "نص الكلام"، المذاع علي قناة "النهار"، الذي تقدمه الإعلامية رغدة شلهوب قائلة: "أنا مش بتابع أي حاجة لمحمد رمضان، لأنه مش صادق، وعلى الرغم من إن عنده كاريزما إلا أن هو اللي بيبوظ نفسه، لأنه طول الوقت بيقلد أحمد زكي حتى في بلعان الريق".

وأضافت حنان شوقي قائلة: "بكره محمد رمضان لأني مبحبش الإنسان اللي بيجور على إنسان آخر، وياخد بونت على السوشيال ميديا، ويضيع حياة بني آدم تاني، ده مش اسمه فنان".

واستكملت: "لو اتطلب مني أشتغل مع محمد رمضان مش هشتغل معاه حتى لو إدوني ملايين، لأنه هو اللي بيعمل كده في نفسه، وبيصعب عليا لأن الغرور ساعات مش بيخلي صاحبه يعرف يتحكم فيها بعد كده".

وتابعت قائلة: "خليه ينزل يشوف الجمهور بيقول عليه إيه، خليه يقعد مع ابن الطيار بس، انا بحب محمد رمضان البني ادم، بس بكره أفعال محمد رمضان".

وأضافت أيضا: "لما شوفت كريم عبد العزيز بيمثل في رمضان، حسيت إن نور الشريف لسة مامتش، ولا أحمد زكي مات، كريم عبد العزيز بيشيل الوسط الفني على إيديه، الوسط الفني تقيل بكريم عبد العزيز، كريم عبد العزيز هو "نمبر وان" وليس محمد رمضان".

 وقالت عن يسرا: "يسرا ذكية ومن الستات القوية في الحياة، وبتعرف تعدي حواجز كتيرة في شغلها، عاملة زي الفرسة التي بتنط وتعدي الحواجز من غير ما تحسب أي حاجة".