تداول رواد موقع التواصل الاجتماعي فيسبوك، منشورا كتبته إحدى السيدات تروي فيه تجربتها مع مطعم شهير، قالت إن إدارته منعتها من الصلاة داخله، ما أثار جدلًا واسعًا بين المتابعين.

وهاجم بعض رواد فيس بوك، المطعم باعتبار أننا في دولة إسلامية وبالتالي فمن الضروري تخصيص أماكن للصلاة للزوار، في حين أيّد آخرون موقف الإدارة مؤكدين أنهم غير مطالبين بتوفير أماكن للصلاة.

وقالت الفتاة في منشورها :يعني ايه وأنا في بلدي يتقال لي، ممنوع الصلاه في مطعمنا؟! ممنوع ؟! أنا قلت أنا مافهمتش أو سمعت غلط لكن لا انا ماسمعتش غلط،مع العلم إني مش مثلا رايحه مكان حتي بيقدم خمور لا سمح الله أنا روحت مطعم عادي جدا واسمه مصري أوي، عيش + ملح حسيت بالقهر و بالغضب . ده أنا لو في بلدي بره،ماحدش كان هييجي جنبي بل وإحتمال كمان يساعدوني هو ليه كده. ؟ بجد !!".

وأضافت :"ممنوع الصلاه. ! دي مصيبه  يعني بقوا بيمنعوا المحجبات من دخول بعض الأماكن ودلوقتي كمان بيمنعوا الصلاه هي دي بقت مصر ؟".

ومن التعليقات التي كتبها رواد السوشيال ميديا تعليقا على المنشور :"اعتقد انه مطعم مش مسجد وده سيستم معجبكيش عادى متروحش اصلا هتقفى تصلى وسط تربيزات هما بيحافظوا ع شكل معين هما حرين"، وعلق أخر :- طب متصلى ف الجامع هو حبك تصلى ف المطعم اى الناس دى،" ف فرق بين ممنوع الصلاه فى مطعمنا ولاسف مافيش مكان مخصص للصلاه"، " هو كمطعم مش ملزم يوفر مكان صلاه للسيدات ع فكره بلااش اوفره"، "انتى كده عرفتى المطاعم لأكل مش للصلاه معلومه جديده يارب متنسيهاش"، كنتى شوفى مسجد قريب أو مكان مناسب للصلاه بدل البروبجندا من غير داعى دى"