كشف الفنان خالد الصاوى عن خلاف حدث بينه وبين المخرج خالد يوسف، فى كواليس تصوير مسلسل «سره الباتع»، الذى يعرض خلال الموسم الرمضانى الحالى.
وأضاف الصاوى، عبر تصريحات تليفزيونية له، «خالد يوسف أخويا، وأتشرف بالعمل معاه، وكل مرة نشتغل مع بعض لازم أعتذر له لإنى ضايقته».
وتحدث الفنان خالد الصاوى عن فترة إصابته بانزلاق غضروفى والآلام التى عاشها وخوفه من إجراء عملية جراحية ثانية.
وحكى الصاوى، قائلاً: «لما جالى الانزلاق الغضروفى سنة 2013 من 10 سنين، كان عندى آلام قبلها بسنتين واستحملت ألم كبير، بسبب لحظات جنون بقول لنفسى لأ أنت معجزتش».
وتابع الصاوى: «فى 2013 عملت عملية وكانت ناجحة، لكن بعد 9 سنين السنة اللى فاتت تعبت تانى وكنت متضايق ومش عايز أرجع أعمل عملية تانية، كان الآلم شديد وكنت لوحدى فى المكتب فضلت أضرب برجلى فى الأرض، الوجع زاد لدرجة أنى أغمى عليا ولما فقت كان ألم جديد».
وأكمل: «أنا ممثل، ولازم اشتغل بكل طاقتى، ومكنتش عايز أدخل فى مرحلة إنى أعيد الجراحة تاني».
ويشارك الصاوى فى السباق الرمضانى الحالى بثلاثة أعمال مختلفة هى «سره الباتع»، و«مذكرات زوج»، و«جت سليمة».