قال الفنان أحمد فتحى إنه يعتبر أولاد أخته وأولاد أخت زوجته بمثابة أولاده، ويؤمن بأن عدم إنجابهما كان لحكمة إلهية.
وأضاف فتحى خلال تصريحات تليفزيونية له: «عدم الإنجاب قربنى من زوجتى أكثر وأثر فى شخصيتنا، إننا لازم نؤمن بالرزق والقدر، وإن مفيش حد بيعاند ربنا، وأكيد كل حاجة لها حكمة».
وتابع: «أكيد ربنا شايل لنا حاجات أهم وأحسن، ومفيش حد بياخد كل حاجة، وولاد أختى وولاد أخت مراتى ولادنا».
ورداً على سؤال: هل فكر مع زوجته فى التبنى، قال: «مفركناش فى التبنى، وكفاية اللى عندنا».
ووجه أحمد فتحى خلال اللقاء رسالة لزوجته، عبر فيها عن امتنانه لها بعد تحملها صعوبات الحياة معه على مدى سنوات قائلاً: «زواجنا كان زواج صالونات، وهى أخت زوجة واحد صاحبى، ولما بدأت أتكلم معاها لفتت نظرى بالقناعة، وعرفتها كل شىء عن ظروفى».
وأضاف: «كانت شقتنا فى إمبابة 50 متراً، بعد ما كانت عايشة مع أهلها فى شقة 250 متراً، ورضيت تعيش فيها 11 سنة، ولو أنا كويس دلوقتى أكيد علشان خاطرها».
يذكر أن أحمد فتحى شارك فى موسم رمضان الماضى فى مسلسل «إكس لانس»، من بطولة النجم محمد سعد.