كشف الفنان على صبحى عن أول لقاء جمعه بالفنانة منى زكى، حيث التقى بها لأول مرة فى بروفات تحضير مسلسل «تحت الوصاية»، وكان لديه عرض مسرحى فى نفس التوقيت، فقرر أن يغادر المسرح مبكراً قبل انتهاء المسرحية من أجل لقائه معها.
وأضاف على خلال لقائه، عبر تصريحات تليفزيونية له: «أول لقاء ليا مع منى زكى كنت راجع من عرض كلاون بجرى، كنت متأخر على بروفة المسلسل، وكنت متوتر جداً لما عرفت إنى هقابلها لأول مرة فى الحقيقة».
منى زكى
وتابع: «كان عندى وقتها عرض مسرحى فى مدينة السلام والبروفة فى المهندسين، فكان لازم أتحرك من المسرح بدرى وأمشى بعد آخر مشهد ليا بس مش هاخد التحية مع زمايلى من الجمهور، وطبعاً المكياج اللى بنعمله على المسرح لسة على وشى فمسحته بمناديل بسرعة عشان ألحق البروفة».
وقال على صبحي: «وصلت البروفة ودخلت اعتذرت على التأخير، ومنى زكى لأول مرة تشوفنى لاقيتنى حاطط كحل، فلما شافتنى اتوترت وبدأت تسأل مين ده؟ أنت شغال مساعد معانا، لكن أستاذ محمد شاكر المخرج قالها ده على يا منى، وهى استغربت وقالتلى إيه اللى إنت عامله فى وشك ده؟ فكان موقف مضحك جداً، وافتكرت أن أنا حاطط كحل بجد، واعتذرت لى وقت، و قالت لى أنا مقصدش خالص».