في أحد اللقاءات التلفزيونية الجميلة جدا والنادرة مع الراقصة الجميلة سهير زكي، سئلت عن تفاصيل رقصة لها كانت أمام السيدة أم كلثوم والتي بدت وقتها اهتمام كبير لها بعدما كانت غاضبة منها جدا بسبب رقصها على ألحانها أحكي لي الست أم كلثوم عملت إيه معاكي لما رقصتي على ألحان اغانيها ؟ ده أنا عملت قلبان، كنت بشتغل في ملهى ليلي في مصر الجديدة و قدمت مرة رقصة على أغنية أنت عمري و كان حاضر الاستاذ حسنين هيكل فوصل اللي حصل للأستاذ عبدالوهاب والست ام كلثوم ، فالست قالت للأستاذ عبدالوهاب إزاي كدا الموضوع ده لازم توقفه إزاي يعني راقصة ترقص على مزيكتي، فالأستاذ عبدالوهاب سأل عني و جه حضر عشان يشوف اللي بعمله، راح بعدها للست قالها يا ست ده أنت لو شوفتيها شيء مش ممكن بنت جميلة وأدائها راقي قوي ، فالست بخباثة شديدة تعمل ايه، عملت حفلة و جابتني أنا ما كنتش أعرف أنها اللي عاملة الحفلة ، و إحنا بنجهز لقيت اللي معايا بيقولوا ده الست أم كلثوم قاعدة برا، أنا قلبي وقع وارتبكت والموسيقيين اللي معايا خافوا يعزفوا لحنها قدامها و كانت مشكلة، دخلت لقيتها قاعدة لي في الهول في وشي علطول بس ربنا سترها و تماسكنا و قدمنا عرض و طلع كويس الحمد لله ، روحت سلمت عليها و لقتها عاجبها الرقص و بتقولي أنت ازاي شاطرة كدا و إزاي حافظة اللحن كدا ده انا بقعد ٤ شهور أعمل بروفات عشان أحفظ اللحن .