فى أحد اللقاءات التليفزيونية مع النجم الراحل نور الشريف، وكان هذا اللقاء قبل وفاته بمدة قليلة، سئل نور الشريف عن أهم أعماله من وجهه نظره بعدما قدم الكثير من الأعمال الفنية المهمة جداً، فقال بصوت حزين: «والله أنا لما بشوف مشهد الوفاة فى مسلسل عمر بن عبدالعزيز عندما يذاع بأبقى مندهش، مين ده، مهما كنت دارس، مهما كنت موهوب وعندى خبرة، أرى أن مشهد النهاية فى مسلسل عمر بن عبدالعزيز فيه لحظة تنوير ربانى، فى اللحظة التى يرى فيها عمر بن عبدالعزيز جده عمر بن الخطاب وكل الصحابة اللى سبقوه وهو فرحان إنه هيروح لهم، فى المشهد ده أنا فاتح عينى والدموع نازلة، وفى فن التمثيل لما تكون الدموع عصية الفنان بيضغط على عينه شوية علشان الدموع تنزل، لكن فى المشهد ده أنا عينى مفتوحة والدموع تنساب مش عارف إزاى، بجد لحظة تنوير ربانى»، ثم توقف عن الكلام دقيقة واستكمل حديثه قائلاً: «الأعمار بيد الله، وأتمنى يوم ما أموت يذيعوا المشهد ده».