تحدث الفنان محمد ممدوح عن سبب نجاح فيلمه الجديد «وش فى وش» مع أمينة خليل، وقال إن البطل الأساسى فى الفيلم هو السيناريو. وقال محمد ممدوح، عبر تصريحات تليفزيونية له: «الورق حلو أوى، وبطل العمل هو وليد الحلفاوى، والمونتاج مكتوب فى الورق، ودى تجربة جديدة، وإنتاجه مش كبير واللى شايفه مفيد من العمل ده أن السوق فيه حاجات كتيرة ومش لازم العمل يكون إنتاجه كبير. الفيلم هو مشكلة اجتماعية عادية.. هو مشكلة اتنين عايزين يطلقوا لكن مكتوب حلو وفيه كوميديا الموقف، مش مجرد إفيه.» وتابع: «الفيلم فيه عوامل نجاح أى عمل.. شركة إنتاج بتدعم الفيلم، والمخرجن ومدير التصوير، والممثلين، وفى مفاجآت كتير للناس أن الممثلين دول بيضحكوا أو جداد زى دنيا سامى، وهو تجربة جديدة والناس محتاجة تجربة جديدة». وعن العمل مع أمينة خليل، قال: «أنا بحب أشتغل مع أمينة خليل؛ مجتهدة جداً، وفاكر فى مسلسل (خلى بالك من زيزى) كان عندنا مشهد فى العربية، وكنا تعبانين أوى، والمشهد ليل، فلازم نصور قبل الشمس ما تطلع، وهى فكرت فى فكرة خلت المشهد تريند، مهما كانت تعبانة هى بتحب شغلها وأنا بحب اشتغل معاها».