شارك الفنان تامر حسنى جمهوره ومتابعيه عبر صفحته الرسمية بـ«إنستجرام» فيديو جديداً يجمعه بابنته تالية، وهى تسير بجانبه فى آخر حفلاته، وكتب على الفيديو «قصة الفيديو.. اللى جنبى هو أستاذ عمرو مخرج الحفلة صاحبى وكنا فى كلية إعلام مع بعض، وفرحت أوى لما شوفته يومها بيخرج حدث مهم كده.. أما حبيبة قلبى تالية.. جاتلى من أول اليوم قالتلى أنا النهارده مديرة أعمالك، وهتسمع كلامى فى كل حاجة، قولتلها حاضر بس الشغل مفيهوش هزار، ركزى فى كل التفاصيل، قالتلى حاضر، وطلعتلى البدلة اللى عجباها وجزمة ضيقه عليا بس هى صممت عليها وأنا قولت حاضر». وتابع: «اختارت لى الأغانى ورتبتهم وماشيه جانبى بقى عامله وش الجد ومش بتهزر، قال يعنى كده مديرة، لحد ما اتكسفت كدة والطفلة اللى جواها اللى بموت فيها ظهرت فى الضحكة.. ربنا يحفظك يا حبيبتى و يحفظ كل ولادنا». يذكر أن تامر حسنى يقوم بالتحضيرات الأولية لفيلمه الجديد «رى ستارت» الذى يجمعه بالفنانة هنا الزاهد مرة أخرى، ومن المقرر اختيار باقى طاقم العمل تمهيداً لبدء التصوير قريباً.