استعاد الفنان إياد نصار كواليس دوره فى مسلسل «موجة حارة» وشخصية ضابط الشرطة «سيد العجاتى». وقال نصار عبر تصريحات إذاعية له: «فيلم (زوجة رجل مهم) ودور أحمد زكى كان مرجعى لشخصية (سيد العجاتى) فى مسلسل (موجة حارة)، وتشوف الراجل دا راح فين وتمشى وراه». وتابع إياد نصار: «شخصية (سيد العجاتي) وصفها ورسمتها فى الرواية اللى كاتبها أسامة أنور عكاشة بتغنيك أنك تدور جوا النص». وعن أصعب لحظات العمل، قال إياد نصار: «فى لحظة من أصعب اللحظات أن سيد العجاتى هيعيط إزاي؟ كان بيقول لأمه (أنا طلعت صفر كبير) كان ليا أنا والمخرج محمد ياسين قعدات كتير قالى مرة: سيد هيعيط.. سألته هيعيط إزاي؟ قالى أنا حاسس كل حاجة هتتهز فى البيت لما يعيط، وأخد المشهد أن يظهر كوباية شاى وحاجات إزاز موجودة ابتدت تتهز، تحس لما عيط فى زلزال حصل فى المكان».