كشفت الفنانة ملك أحمد زاهر، عن تعرضها لأزمة صحية مفاجئة، عبر خاصية الـ"ستوري" لحسابها الرسمي بموقع الصور والفيديوهات "إنستجرام". وكتبت ملك أحمد زاهر عبر حسابها الرسمي، قائلة: «أنا عمري ما كنت بنزل غير الحاجات اللذيذة أو الهزار أو أي حاجة إيجابية، ولما كنت بنزل حاجة سلبية كانت بتبقى من وراها هدف، وغالبا كنت باخدها بهزار» . وأضافت ملك زاهر: «بقالي أيام تعبانة وحياتي مش وردي وفيها الحلو والوحش، بس حبيت أشارك إن الفترة الأخيرة حسيت كأن الدنيا كلها ماشية غريبة ومقفولة، وكلها ضغط نفسي بشكل كبير، وده خلاني حاسة إني مش قادرة أستحمل زي قبل كده، وبقيت بحاول أهرب من الناس والمواقف» وأوضحت أنها لا تطلب الشفقة، لكنها تحاول أن تكون صريحة مع جمهورها، مشيرة إلى أن ما تمر به هو مجرد مرحلة صعبة وتحتاج فيها إلى دعم ومساندة نفسية وروحية، وطلبت من متابعيها الدعاء لها، قائلة: «أنا محتاجة دعواتكم من القلب». وتابعت: «الهدف من الستوري دي مش إنكو تحسوا إني ضعيفة، لأن الحمد لله أنا كويسة وإن شاء الله اللي عندي ده بس دور وهيروح، بس حبيت أشارك علشان اللي بيحسوا زيي يعرفوا إنهم مش لوحدهم، وإن في ناس بتحس كده وبتعدي»