نشر الفنان أحمد عبد الحميد، نجل خبير المكياج السينمائي الراحل محمد عبد الحميد، صورة له مع والده عبر حسابه على وسائل التواصل الاجتماعي، وكتب عليها منشورًا مؤثرًا يودع فيه والده. قال أحمد عبد الحميد: "الصورة دى من آخر عيد ميلاد ليك.. وأنا بتصورها معاك كان قلبى بيقولى ده آخر عيد ميلاد ليك وآخر مرة هقدر أفرحك.. بس ولا أنا ولا أنت كنا عارفين إن فرحك جاى وإن ربنا هيرزقك البداية الأبدية فى جنته إن شاء الله بوجه مستبشر كده زى ما كل إلى ودعوك شافوه". وأضاف: "كنت آخر سنين تقولى أنا اتنسيت خلاص يا أحمد، ولما أقولك فلان بيقولى سلملى على 'الأستاذ' تقولى ياه فيه الخير الحمد لله إنه لسه فاكرنى أو لسه فكرانى.. لو شفت حب الناس ليك بعد ما مشيت سواء فى خارجتك أو فى عزاك أو حتى على صفحاتهم هتعرف قد إيه إنت كنت عظيم وهتفضل تاريخ وهتفضل سيرتك حلوة وساترنا طول ما إحنا عايشين".