اشتعلت مواقع التواصل الاجتماعي خلال الساعات الماضية بتريند جديد أُطلق عليه تريند "إسلام برجر"، بعد انتشار مجموعة من التغريدات التي تحدثت خلالها فتاة عن خطيبها الذي فوجئت بأنه كان متزوجًا ولديه طفل، على الرغم من ارتباطه بها لمدة 9 سنوات، ليقوم هو بتذكيرها بموقف جمعهما خلال تناولهما "البرجر".
نشرت الفتاة تغريدة عبر حسابها علي تويتر قالت فيها: "إحساس وحش أوي، إن بعد قراءة فاتحتي بيوم؛ أكتشف إنه متجوز ومخلف، والمفروض إني أعرف الشخص ده بقالي 9 سنين، موضوع مضحك أوي، حقيقي أنا مصدومة صدمة عمري".
وأضافت الفتاة: "مش مستوعبة إن الناس بتعرف تكدب بالشكل ده، مش مستوعبة إني بعد كل السنين دي طلعت عايشة في كدبة، الحمدلله علي كل شيء".
وأضافت أيضًا: "وكان من سنين يقول: أصل مش بفتح الفيسبوك خالص، طلع كل ده علشان متجوز، ومش عايز إني أكشفه، يلا الحمدلله علي إني كشفته علي حقيقته، صدمة شديدة أوي، بس ربنا مش بيعمل حاجة وحشة".
رد خطيبها الذي يدعي إسلام رضا المعروف بـ"إسلام برجر"، فقال: " كله سمع من وجهة نظرها وأنا في الأخر حياتي بايظة من ساعة ما عرفتها، لو سمحت محدش ليه دعوة بحياتي، اخرجي منها، ابعدي عني، بتجيبي سيرتي ليه، كفاية اللي حصل وبيحصل من تحت راسك، ابعدي عني".
واستكمل حديثه قائلًا: "أنا عندي بيتي وعيلتي، معنديش أغلى منهم، أنا بكرهك ابعدي عني، وعند الله تجتمع الخصوم، كفاية بقي مش عايز أعرفك تاني، ابعدي".
وردت عليه الفتاة قائلة: "هل كنت معرفني أنك متجوز؟".
ليرد عليها: "افتكري يوم ما كنا بناكل برجر قولتلك إيه آخر مرة".
فقالت الفتاة "قالي إنه هيتجوز بنت عمه عشان مشاكل الورث، هو كده مقتنع إنه قالي إنه متجوز ومخلف باين".
سخر رواد مواقع التواصل الاجتماعي من هذه القصة الشبيهه بقصة مصطفى أبو حجر المعروف بواقعة التورتة التي حدثت منذ سنتين تقريبًا.
وتداولت التعليقات من رواد السوشيال ميديا على هذه القصة قائلين: "مش حلينا لازم نحدق بقى"، "ومين اللي دفع ثمن البرجر"،" 9 سنين ومكتشفتش إزاي طااااا"، "البرجر سأخبر الله بكل شيء"،" ده أنت طفحتها البرجر"، "لا حول ولاقوة إلا بالله ربنا يعوضها كل خير"، "الأهم من ده كله البرجر كان تشيكن ولا بيف"، "حد ينادي رضوى الشربيني بسرعة"، "2009 كلهم مصطفى أبو حجر.. 2019 كلهم مصطفى أبو تورتة.. 2021 كلهم إسلام برجر"، "ماذا بينك وبين الله علشان يفضحك قدام الدنيا كلها".
وأطلق النشطاء عليه لقب "إسلام برجر"، ليتصدر مواقع التواصل الاجتماعي، حيث سخر مستخدمو السوشيال ميديا من الواقعة بمجموعة من الكوميكس.
