كتبت- فاطمة مرزوق

ساعات متواصلة -دون كلل أو ملل- تقضيها امرأة خمسينية أمام ماكينة حديدية صغيرة تضعها فى غرفتها، على أمل أن تنتهى من تصنيع 10 كيلو من «حديد المشابك»، لتسد بها دينها.

«بدفع 100 جنيه إيجار ومطلوب منى كل 15 يومًا أدفع 175 جنيهًا للقرض، وعندى ولدين بس مش باخد منهم مليم، ولا بيساعدونى فى حاجة، ولو معايا بياخدوا منى»، بتلك الكلمات بدأت فايزة أحمد عبد القادر، سرْد قصتها لـ«الهلال اليوم»، وسر اختيارها لتلك المهنة «الشاقة» للعمل بها.

وقالت إنه نظرًا لإصابتها بألم الغضروف لم تجد مهنة تعمل بها سوى صنع حديد المشابك، لتسد بها دينها وتساعد زوجها، الذى لا يتعدى راتبه 400 جنيه شهريًا.

وتضيف المرأة الخمسينية التى تقطن فى منطقة الحكر بـ«الوراق» عن مهنتها: «الحديد اللى بيتركب فى المشابك بعمله على المكنة، الراجل بيجيبه لي سليم وأنا بقطعه على المكنة عشان يتركب فى الخشبتين بتوع مشابك الغسيل وهو بياخدهم ويبيع فى السوق».

وتسرد فايزة معاناتها من الضغط والسكر وعرق النسا والغضروف، قائلة: «اللى جاى بيقضى بالعافية وحتى علاجى مش بعرف أجيبه، الحياة صعبة ولازم نستحمل، لو متعبتش وجبت لقمة عيشى بإيدى محدش هيساعدنى فى الزمن ده».