شارك الرئيس عبد الفتاح السيسي اليوم في احتفالية قادرون باختلاف لأصحاب الهمم وذوي القدرات الخاصة، حيث استمع للأطفال ودار بينهم حديث إنساني كشف جوانبا جديدة في حياة الرئيس السيسي بشأن رياضته المفضلة ومواقف مهمة في حياته ومع والديه.
وخلال الاحتفالية أصدر الرئيس السيسي عدة توجيهات منها، إنشاء صندوق قادرون باختلاف وكذلك تلبية أمنية الطفلة بسملة من ذوي الاحتياجات الخاصة.
رسائل الرئيس السيسي خلال الاحتفالية
- أقول لمجلس النواب والشيوخ محتاجين تشريع لإنشاء صندوق قادرون باختلاف.
- أنا عاوز إن كل الناس في الشارع والمدرسة ينتبهوا للكنز اللى مش واخدين بالهم منهم ومش هيعرفوا غير يوم القيامة إن دول كنز وخلى بالك من الكنز ده وحطوا في عينيك.
- أنا كان نفسى اطلع طيار ودخلت الثانوية الجوية علشان أحقق الحلم ده وربنا ما أرادش ورضيت باللي ربنا قسمه.
- كنت أمارس رياضة الكاراتيه منذ خمسين عاما لأنها لعبة شديدة الأدب والانضباط وتعلم الخلق الحسن وتعلم صاحبها القيم والمبادئ وتجعل منه نموذجا فريدا في التعاون والاحترام والقدوة.
- مشروع حياة كريمة له تأثير جيد والدولة تعطي المشروع دعما سياسيا لأنه يمس حياة 60 مليون مواطن.
- المشروع يستهدف كل قرى الريف المصري ومواطني الريف المصري.
- أول من تأثرت بيهم وكانوا مثل أعلى كانوا أسرتى اللى عشت معاهم والدى والدتي.
- والدتي كانت شديدة الحكمة والصبر ومش عاوز أكون منحاز وأقول مشوفتش نموذج كده، علمتني التجرد.. يعنى إنى أشوف الأمور بمعيار بعيد عن الانحياز والتمييز ولما كبرت ملقتش أحكم منها.
- والدى كان شديد الهمة وفضل يعمل من الفجر لغاية 12 بالليل، وكان ميسور الحال ولكنه شديد الهمة ويحب العمل، وخدت دى منه.
- أنا معرفش اقعد من غير شغل، لأني بحلم وعايز كل الناس تحلم وتجرى على حلمها.. الي بيحلم لازم يجري وربنا هيساعدنا.
- أصعب لحظة في حياتي هي الفترة اللي حسيت إن بلدنا ممكن تروح مننا وأحيانا بيكون الفهم مشكلة تعذبك لو أنت بتفهم أوي هتتعذب أوي لأنك هتشوف حاجات محدش هيشوفها ولا يعرفها غيرك.
- خوفت على ناسي وأهلي في مصر لأن عددنا كبير ومشاكلنا كتير ومشاكلنا صعبة ولو البلد راحت الناس دي هتروح فين؟.
- الدعم الإيجابي من كل المجتمع لذوي الهمم سيزداد ونتحرك جميعا من أجل زيادة هذا الدعم.
- لسه موصلناش للتقدير الحقيقي للكنز الي ربنا باعتهولنا وهو أنتم وأهلا بيكم.
- أمنيتي الشخصية إن ربنا يرضى عني.. ودي أمنية عزيزة أوي وإن ربنا عظيم الكون يرضى ياريت.