"مش مصدق خبر استشهاده والله.. كنت لسه شايفه الإجازة اللي فاتت.. عمرو إبراهيم مات .. آه ياوجع قلبي عليك يا أخويا".. بهذه الكلمات نعى النقيب أحمد سراج زميله النقيب عمرو إبراهيم؛ الذي استشهد ظهر اليوم، في مأمورية لضبط أحد تجار المخدرات بقرية تونا الجبل.
ونشر سراج، على صفحته الشخصية بموقع التواصل الاجتماعي "فيس بوك"؛ "انت عارف يعنى إيه تصحى من النوم ع خبر استشهاد حد من زمايلك.. بلاش زمايلك.. عشان إنت أكتر من أخويا الكبير والله، واحد من انضف وأكفأ ظباط الشرطة وأحسنهم خلقا.. حاجه انت مش مصدقها.. بس اللي عارفه أن راجل زى عمرو من كتر رجولته وطيبته وأصله الكويس وأخلاقه العالية لازم يكون فى مكانة زى الشهداء"
وتابع النقيب أحمد سراج، "إنك تستشهد وكمان في العشر الأواخر من رمضان وانت صايم وبتشوف شغلك.. فعلا ربنا مبيخترش غير الناس النضيفة اللى زيك ياعمرو عشان يسكنه الجنة.. ربنا يرحمك يا ابن بلدي ويسكنك فسيح جناته ويصبرنا ع فراقك.. وحقك راجع بإذن الله #مات_الجدع".
تلقى اللواء ممدوح عبد المنصف مدير أمن المنيا، إخطارا من مركز شرطة ملوي باستشهاد معاون مباحث المركز أثناء مطاردة لضبط أخطر العناصر الإجرامية بقرية تونا الجبل، والمعروف عنهم تجارة المخدرات.