نشرت الفنانة الشابة ولاء الشريف على صفحتها الشخصية على "الفيس بوك" توضيح حول حقيقة انسحابها من مسلسل كفر دلهاب.

وقالت ولاء :"نظرا للأسئلة الكثيرة اللي بتجيلي حوالين استكمالي لدور ريحانة والشبح ومنعا لأي لبس فالحقيقة كالاتي، اتفقت من البداية على دورين مكملين لبعض وهم (ريحانة و فلة) و بناء عليه صورت شخصية ريحانة اللي بتظهر في الفلاش باك وأثناء تصويري لشبح ريحانة اللي هايتضح في حلقة 21 إنها فلة، وبعد ماكنت خلصت حوالي 70% من شبح ريحانة وأماكن التصوير كانت سيوة و مدينة الإنتاج حصل تغيير و قرر فريق العمل الاستعانة بممثلة زميلة أخرى لتجسيد شخصية فلة، وبناء عليه اعتذرت عن باقي استكمال مشاهد الشبح".

وأضافت :"ملحوظة أخيرة كل السكرين شوتس اللي نشرتها على صفحتي هي للمشاهد اللي قومت بتصويرها ولم أنسب أي شغل آخر لي، وأخيرا شكرا لكل فريق عمل كفر دلهاب، لكم مني كل التقدير والاحترام، المخرج الأستاذ أحمد نادر جلال والمؤلف عمرو سمير عاطف وشركة سينرجي وكل القائمين عليها، شكرا لكل اللي دافع عن موقفي وشكرا لكل اللي عرف الحقيقة والتزم الصمت، المواقف بتبين معادن الناس، توضيح آخر البوست دا اتكتب صيغة توضيحية لكن الحقيقة أنا بكن لهاجر كل تقدير وبباركلها على شغلها وبتمنالها التوفيق وبشكرها على كلامها عني وربنا يديم المعروف".

وكانت الفنانة الشابة هاجر الشرنوبي ظهرت ضمن أحداث مسلسل كفر دلهاب بشخصية الشبح أيضا بعد انسحاب ولاء، وفِي هذا الصدد علقت هاجر على توضيح الفنانة ولاء الشريف قائله:"أنا لي شغل بالشبح من أول المسلسل بقالي ٣ شهور بصور بالماسك".