في واقعة مثيرة، قام العميد محمد البسيوني رئيس نادي المنصورة بدوري القسم الثاني، بصفع اللاعب أحمد شاهين لاعب وسط الفريق، على وجهه، عقب خسارة  المنصورة اليوم الخميس، أمام فريق بايونيرز بنتيجة 2-1، في ختام مباريات الدور الأول بمجموعة بحري بدوري القسم الثاني.

وقام محمد شاهين، مهاجم المنصورة وبتروجت وسموحة السابق وبورتو السويس الحالي، بنشر صورة لشقيقه الأصغر أحمد شاهين، وعلق عليها: «أولًا الحمدلله محدش كاسر عيني جوا نادي المنصورة، أو برا النادي، بس مع احترامي لكل الناس، عيب لما رئيس نادي يضرب لاعب بالقلم على وشه، معلش يعني أنت ولا أبوه ولا أخوه علشان تعمل كده، وحق أخويا مش هسيبه، وهعرف أخده إزاي كويس أوي، وإحنا لو مش بنحب النادي اللي خيره علينا، والله أخويا ما كان داخله تاني، بس عيب، وتاني مرة بقولها حق أخويا مش هسيبه».

يذكر أن  المنصورة، خسر اليوم بهدفين مقابل هدف، أمام بايونيرز، في ختام الدور الأول بمجموعة بحري، حيث انتهى الشوط الأول بتقدم بايونيرز بهدفين سجلهما حسام باولو في الدقيقة 30 ومحمود دعبسه في الدقيقة الأخيرة.