أكد مرتضى منصور، رئيس نادي الزمالك، أنه يعترض على هجوم جماهير الزمالك على أي فريق خلال الفترة المقبلة.
وأضاف في تصريحات تليفزيونية: «مفيش لاعب بيصنع اسم نادي الزمالك، والنادي هو اللي بيعلي أسهم أي لاعب أو مسئول».
وواصل: «اسم مرتضى منصور مرتبط بالزمالك، واللي هيجدد بشروطنا أهلًا بيه فوق دماغنا، واللي هيرفض هنشكره».
وتابع: «كل لاعب تواجد في الزمالك أنا من قررت تحديد القيمة المالية له، والمفروض كل لاعب يشكرني مش يتعامل بالطريقة دي ولازم يكون في رد للجميل».
واختتم: «مفيش نادي هيقف على أي لاعب، والأهلي نفس الأهلي وكل الأندية الجماهيرية، واللي بيصنع التاريخ الجمهور فقط».