كشف شيخ العرافين، واقعة حدثت بين الفنان حميد الشاعري والفنان علاء عبدالخالق، موضحًا: "حميد قاله أكتر حاجة عجبتني في الألبوم بتاعك هي البوستر، وزعل منه جدا".
ورد الشاعري، في حواره مع الإعلامية بسمة وهبة مقدمة برنامج العراف، على قناة المحور: "في إيفيهات أكتر من كده بكتير يا شيخ العرافين، ومزعلش مني ولسه صحاب لحد دلوقتي خالص، علاء صديق عمري وأخويا".
وتابع: "اللي حصل ده تهريج بيننا، وبيحصل أكتر من كده، والله ما زعل مني وعمره ما يزعل مني، إحنا شلة لذيذة جدًا، شلة الثمانينات دي جميلة جدًا مع بعض".