أعربت الفنانة ياسمينا المصري، عن استياءها الشديد من مقارنة وراد مواقع التواصل الاجتماعي لها، بالممثلة المكسيكية الأمريكية سلمى حايك، مشيرة إلى أنه في مقاييس الشكل والروح فهي تفوقها جمالًا، لافتة أن مصر صاحبة تاريخ أفضل من المكسيك، مؤكدة أنها كممثلة أقوى منها.

ونشرت ياسمينا المصري، صورة لأحد منشورات رواد التواصل عبر حسابها الرسمي عبر «فيسبوك»، وعلقت قائلة: "«في صفحه منزله صور ليا بالمقارنة بسلمى حايك، وفي ناس اضايقت إزاي دي سلمى عالمية.. طيب يا سيدي أنا كمان مضايقة لأني في مقاييس الشكل أنا احلى، وفي الجسم أنا افضل هي 150 سم وأنا 169 سم».

وأضافت: «وفي الروح أنا كمان وبلدي صاحبة تاريخ، مصر أحسن من بلدها، كممثلة أنا أقوى واللي اشتغلت معاهم عارفين كده، الفرق بيني وبينها إنها عندها منظومة وصناعة بتخلي العادي جامد، وأنا هنا منظومتي بيموتوا الجامد حتى لو واخد بطولة، بيموتوه بحقدهم وبيدمروا شغله، كرهوني في الشغل، نظام الأنا قرر يدفن مواهب علشان مؤثرة بس».

وتابعت: «وعلشان كل شئ ليه تمن وأنا مابدفعش، وبيعتبروا الفرصة خارجة من جيبهم مش واجب عليهم اتجاه مهنتهم وبلدهم، ومش قصة شغل وخلاص، ليا مكان أبدًا مش هتنازل عنه حتى لو ممثلتش خالص، في نظر نفسي بطلة قالت لأ لابتزاز المهني والمستقبلي».

ويذكر أن آخر أعمال الفنانة ياسمينا المصري، كان مسلسل "أبو البنات" بطولة الفنان مصطفى شعبان، وتدور أحداثه في إطار كوميدي، حول فارس الذي يملك معرض سيارات ويدخل في صراع دائم مع احد كبار رجال الأعمال، حيث يوجد خلاف بينهما سببه تجارتهما القديمة معًا في المخدرات حتي انفصلا عن بعضهما، وبسب الصراع يصطحب فارس بناته وينتقل للعيش في القاهرة ولكن الرازي يذهب خلفه ويخطف البنات الثلاثة.

"أبو البنات" من بطولة: مصطفى شعبان، صلاح عبدالله، علا غانم، إدوارد، عبدالرحمن أبو زهرة، غيدا نوري، صافيناز، دارين حداد، هشام إسماعيل، ياسر علي ماهر، سميرة عبدالعزيز، خالد عليش، وتأليف أحمد عبدالفتاح، وإخراج رؤوف عبدالعزيز.