الأربعاء 10 اغسطس 2022

مجدي الهواري: «اللي يسألني على أعمالي القادمة فيه مفاجأة إن شاء الله هتعجبكم»

مجدي الهواري

فن24-6-2022 | 14:09

منار بسطاوي

كشف المخرج مجدي الهواري عن تحضيره لأعمال فنية، لافتًا أنها ستشكل مفاجأة لجمهوره، وأكد أنه بدأ متابعة فيلم هندي بعنوان "she" مؤكدًا أن قصته تصلح للعرض بمصر، وأنه لديه رؤية إخراجية لتمصيره.

ونشر الهواري عبر صفحته الرسمية بموقع تبادل التواصل الاجتماعي "فيسبوك" قائلًا: "فلاشات الجمعة حاجات كتير أوي راحت مع التكنولوجيا  زي مثلًا جملة.. حضرت ولم أجدك..  خلاص استحالة تقولها دلوقتي أو تكتبها في ورقة لحد حتى أو تبعتها SMS أصلًا مبقاش حد يبعت!.. لأنه أكيد هيعرف يعتذرلك على التليفون أو الواتس أو الماسنجر أو حتي يبعتلك على انستجرام".

وأضاف الهواري: "وأنت طبعَا قبل ما تلبس المشوار ده هتكون متأكد أنه هناك لأنك مش ناقص قرف تروح ومتلئهوش كمان!.. وبعدين مبقاش في حد عزيز دلوقتي لازم يكون فيه مصلحة في المشوار!!.. طبعًا هو مش هيخلع وأنت رايح له غير لما يكون قاصد يخلع منك وعارف إنك جاي وناوي يفكسلك أو أنت مش فارق  معاه أصلاً.. فاستحالة تكتبله.. حضرت ولم أجدك إلا لو معندكش دم".

وتابع مجدي الهواري: "بيقولك.. مش هتعرف قيمتي غير لما تجرب غيري!.. تحت مظلة هذه العبارة قرارات تغير بعض الأصدقاء عندي على الفيسبوك.. علشان أعرف قيمتهم.. سوري يا حبايب  بس مضطر علشان عايز أصدقاء جدد  ينشطوا بوسطاتي شوية!.. فبالتالي اللي عارف أنه هيمشي يمشي من نفسه! حلوة تنفع أغنية.. وبعدين أنتم كسلانين أوي معايا وحاسس إني كسلان من طاقتكم ديه.. أنا مش عارفني! أنا توهت مني! أنا مش أنا".

واستطرد مجدي الهواري: "موضوع اختفاء رانيا يوسف ده بقي سخيف جدًا.. اللي يسألني على أعمالي القادمة فيه مفاجأة إن شاء الله هتعجبكم.. دعواتكم أيها الأصدقاء.. والجدد.. خلصت حلقات the Ofer عن فيلم The Godfather طبعًا مش بعظمة الفيلم خالص ولكن عرفنا على الأقل كيف صنع التاريخ.. بدأت في مسلسل she هندي بس شكله ينفع يتعمل عندنا بشرط لو راحوا في القصة زي اللي في دماغي.. ولو مراحوش هروح أنا.. جمعة مباركة".