أكد الإعلامي أحمد شوبير، أن مسئولي اتحاد الكرة في ورطة كبيرة، بسبب الاتفاق مع المدير الفني الجديد للمنتخب، لخلافة إيهاب جلال.

وقال خلال تقديم برنامجه "مع شوبير"، على إذاعة أون سبورت إف أم: "كان اتحاد الكرة اتفق مع باولو سوزا وحازم إمام تولى الاتفاق واتفق على كل شيء ولا يوجد شيء ناقص غير توقيع المدرب، وفوجئ الاتحاد في اليوم السابق، أن المدرب اعتذر رغم أن اتحاد الكرة جهز التذاكر الخاصة به".

وأضاف: "فيه كلام إن كيروش بيكلم المدربين وده كلام مش مقتنع بيه لإنه معروف من الأول بيفاوضه ما كان راح له من الأول وكان من الأول قاله متروحش وشايف إنها حجة مش طبيعية ممكن الراجل جاله عرض أوروبى او متخوف لان الأمور ممكن تكون صعبة".

وأشار: "حازم إمام كان عامل خطة بديلة وهى بيتكوفيتش وأتم الاتفاق مع الراجل وقاله طلباتك إيه وقاله عندي اجتماع مجلس إدارة وقبل الاجتماع فوجئ بالليل وانا بتخيل الحوار اللي حصل، وحازم قاله عندي مجلس إدارة وبلغتهم امبارح والناس مرحبة، وبعدها قفل موبايله ولم يرد، قيل بعد ذلك إن حرمه هى اللى اعترضت".

وأكد: "إيه الحل دلوقتي، هل نعود للمدرب المصري من جديد، ومين مدرب مصري عاقل والمنتخب عنده ماتشين مع مالاوي وهل ده ممكن يحصل، مدرب أجنبي على قد الحال نقول مشروع ونمشي وراه كلنا، وسمعت ان فرانكو فودا كان مدرب النمسا من الأسماء المرشحة بقوة انه يكون موجود، صحيح لم يوفق في تصفيات كأس العالم وخسر من ويلز وقبلها وصل إلى بطولة أوروبا وصعد إلى دور الـ16 وخرج أمام إيطاليا بنتيجة 2 / 1".

وأوضح: "هل ممكن نفكر في الاسم الكبير حسن شحاتة مش عارف ولكن اللي اعرفه إنه فيه قرار يبقى مدرب أجنبي، ومش لاقيين مدرب للمنتخب الأولمبي بخلاف المنتخب الأول، ومن الممكن التبديل في القرارات".