كشف الإعلامى خالد الغندور أن محمد بسام حارس مرمى فريق طلائع الجيش وقع لنادي الزمالك وحصل على شيك.

وقال الغندور في برنامجه "اللعبة الحلوة" عبر إذاعة أون سبورت إف إم: "مسئولو الزمالك قعدوا مع محمد أبو جبل ومن الآخر مفيش جديد حصل في الجلسة، وأبو جبل بعد ما رجع من كأس أمم أفريقيا وقع للنصر السعودي وحصل على قيمة أول موسم كاش، النصر رجع في كلامه وقالوله هنسبلك قيمة أول موسم ولكن الحارس متمسك بقيمة العقد كاملاً".

وأشار الغندور: "أبو جبل قصته مع الزمالك انتهت خلاص، ونرجع نقول إن الحارس تفكيره وداه في حتة تانية بقى مش مركز من وقت ما رجع من كأس الأمم الأفريقية واهتم بالبرامج ومركزش في الأهداف اللى بتدخل مرماه".
 
وأكد: "جنش مش راجع الزمالك وفيوتشر هيفعل بند البيع، وفاركو هيدفع الـ 20 مليون جنيه ويفعل بند شراء محمد صبحى يعنى الاثنين مش راجعين الزمالك".
 
ووواصل الغندور: "محمد بسام هو الحل الوحيد دلوقتى والحقيقة هو وقع للبنك الأهلي وحصل على شيك لم يصرفه ثم وقع للزمالك وحصل على شيك وصرفه".