يستعد المطرب هشام عباس لطرح ألبومه الغنائي الجديد خلال الفترة القادمة، والذي  يتنوع بين الشعبي والمهرجانات، ويتعاون فيه مع عزيز الشافعي وأيمن بهجت قمر.

وقال الفنان هشام عباس في مداخلة هاتفية  لبرنامج "خلاص صحينا" مع الإعلامية مارينا المصري على  الراديوميجا اف ام:"أحلى حاجة حصلت لي السنة اللي فاتت كانت جواز بنتى ياسمينا، كنت سعيد جدا ومتأثر أوى لدرجة إنى كنت بضحك وبعيط في نفس الوقت.

‎ علق هشام عباس عن مشاركته في مهرجان أبيدوس قائلا:"فخور بمشاركتي في مهرجان أبيدوس اللي بتنظمه دار الأوبرا في سوهاج. وكانت حفلة جميلة جدا قدام المعبد، وأخيرا مشاركتي في مهرجان المحكى بالقلعة من أسبوعين، مضيفا، بحب أعمل حفلات وأكون متواجد فى كل محافظات مصر عشان أسيب تأثير كويس فى كل الناس.

وكشف عباس عن أعماله في الفترة القادمة قائلا:"السنة دي إن شاء الله هخلص الألبوم بتاعي قبل 2022 ما تخلص، وكمان بشتغل على البرنامج الجديد اللي هقدمه، ونفسي أعمل مسرحية غنائية كوميدية، مضيفا " طول عمري بحاول أعمل أشكال مزيكا مختلفة من أول ما بدأت، ومن سنة 2007 ،بحاول اشتغل حاجات جريئة زي اللى قدمتها مع عزيز الشافعى في أغنية "دي طريقة دي تتكلمي بيها معايا"، ومع أيمن بهجت قمر عملت أغنية "عينك فى عيني يا نور عيني".

‎وأضاف :"إن شاء الألبوم الجديد هيكون ميكس بين المقسوم بتاعنا والمقسوم الجديد اللى بيتعمل فى الأغاني الشعبي وأغاني المهرجانات بس بشكل جميل، حصرى الألبوم الجاي فيه أغنيتين واحدة اسمها "عن اقتناع" وأغنية اسمها "كلامها حلو"، بتعاون فى ألبومي الجديد مع عزيز الشافعى وأمير طعيمة وتوما ومدين وأيمن بهجت قمر.