قال هشام ربيع مصفف الشعر وزوج المطربة بوسي، إن ما تروجه السوشيال ميديا بشأن تدهور العلاقات بينهما أمر مغلوط تماما، موضحًا: "الموضوع مأفور بشكل غير عادي في السوشيال ميديا وبوسي تنهار بسبب حديث السوشيال ميديا أنها كانت تعوق والدها". 

وأضاف ربيع، في مداخلة هاتفية مع الإعلامية بسمة وهبة مقدمة برنامج "90 دقيقة"، على قناة المحور: "صالحتها ووالدها على بعض، وقلت لها عاوزين نتصور  مع بعض وننزل الصورة عشان الناس فاهمة إنك عاق، لكن هي قالت أنا ميهمنيش الناس، أنا بعامل ربنا". 

وتابع مصفف الشعر وزوج المطربة بوسي: "رجعت لأم أولادي وولادنا مع بعض في كل حتة، ورصيدها زاد عندي لما وافقت أرجع لأم الأولاد"، مضيفا  أن السوشيال ميديا سببت مشكلات نفسية لديه ولدى بوسي

وأضاف : "المشكلة إن بوسي مطربة مشهورة وده بيخلي الناس تتابع أخبارها، ومش عارف ليه الناس شاغلة بينا ليه، المشكلة إن بوسي مش بتطلع ولا بتواجه، وهي شايفة ده ميزة، رغم إنها بتنهار".