طالب المطرب تامر حسني، بإنشاء تطبيق لجمع تبرعات من المصريين، لمساعدة مرضى ضمور العضلات، الذي يعاني منه الكثير، وأن يكون تحت رعاية الدولة.
نشر تامر حسني صورة للطفلة سيلين المصابة بمرض ضمور العضلات، على حسابه الشخصي بـ"إنستجرام"، معلقًا عليه: "يا جماعة مرض ضمور العضلات منتشر جدًا في عصرنا ده ربنا يعافي الجميع تخيلوا لو مليون واحد بس من عدد سكان بلدنا العظيمة لو دفع 30 جنيهًا بس، هيسهم في إحياء طفلة في لحظة واحدة طفلة بتتعذب كل لحظة هي وأهلها.
واضاف: أمنية حياتي والله العظيم دلوقتي، يتعمل أبليكيشن تحت رعاية الدولة وتتسمى المليون أخ وتبقى على تليفونات الناس اللي هتتبرع، مليون واحد هتجيلهم رسالة حسب خطورة المرض، ونوعه وتكلفته العامة والمطلوب منه، وفي سيستم يقدر يدخل بنفسه يشوف اسمه وتبرعه راح فين، وإن المريض اتعالج خلاص وتجيله رسالة شكرًا صدقتك أحيت نفس بل أسرة كاملة، أنا كفنان جاهز لأي جهة هتتبنى الفكرة دي، إني أكون داعم ليها ومعلن عنها لو الجهة محتاجة ليا شخصيًا أو لصوتي إن شاء الله أنزل، ألم التبرعات بنفسي وأخبط على بيت بيت وده لوجه الله ولخدمة شعبنا وأهالينا المحتاجين.
View this post on Instagram
A post shared by Tamer Hosny (@tamerhosny)
واستكمل تامر: اللي هيشترك،،،،،،، مره هيدفع 10 جنيهات… مرة خمسة…. مرة 30 أقصى حاجة 40 جنيهًا، لأن حقنة علاج المرض دا بـ40 مليون ودي أغلى حاجه تخيلوا لما بـ40 جنيها بس تنقذ روح بني آدم يعني هتدفع صدقه وهتنقذ روح وأنت في بيتك والصدقة فيها أجر عظيم تحمي نفسك بيها تحمي ولادك وكل اللي بتحبهم وتبقى صدقة جارية في كل حياتك… قيمة الصدقة عند ربنا كبيرة أوي أوي فوق ما تتخيلوا يا جماعة متتخيلوش بتشيل عننا حاجات صعبة قد إيه لو عرفناها هنبكي فرحاً من رحمة ربنا… يا رب حد يسمعني.
واختتم تامر حسني: و كدا باذن الله مش هيكون في مريض محتاج.. و لو عندنا مشاكل كتير في مجتمعنا آدينا بوحدتنا و بحبنا لبعض بنشيل مشكلة منهم.
الجدير بالذكر أن المطرب تامر حسني يعرض له حاليا فيلم"بحبك" في دور العرض السينمائي، من إخراجه وتاليفه، ويشارك في بطولته الفنان حمدي الميرغني، هنا الزاهد، هدى المفتي، مدحت تيخة، شهد الشاطر، عالية راشد، وعدد آخر من الفنانين.