كشف الفنان مصطفي فهمي، شقيق الفنان حسين فهمي رئيس مهرجان القاهرة السينمائي الدولي، للدورة الـ 44، عن أهم ما يميز المهرجانات العالمية وجود ورش وندوات مهمة لصناعة السينما.

وقال مصطفى فهمي خلال لقائه ببرنامج مساء دي إم سي: "أتمنى الدورة الـ44 تبقى ناجحة زي الدورات اللي فاتت، وأهم حاجة في المهرجانات العالمية دي اللي هي الورش والندوات اللي بتتعمل، أهم من الريد كاربت، وطبعًا الافتتاح له الرونق وبيشد الناس،الحقيقة حسين أو رئيس المهرجان أو إدارة المهرجان ككل كان اختيارهم صح بالنسبة لتكريم لبلبة زميلة وصديقة، وشايف إنها كان المفروض تكرم من زمان وبقولها ألف مبروك وسعيد بتكريمها، أما بالنسبة لتكريم المخرجة كاملة أبو ذكري فهي مخرجة شديدة ومعروفة ولها وضعها في السينما وبقولها ألف مبروك".

أما عن أعماله الفنية الجديدة، قال: عندي فيلم "السرب" الفيلم قصته حلوة أوي وهو للضربة الجوية لسيادة الرئيس عبد الفتاح السيسي لما حصل موقف ليبيا وفيه 17 شخص توفوا، وفيه نجوم فيه زي أحمد السقا وآسر ياسين وشريف منير ومحمد ممدوح، ودوري هو رئيس المخابرات المصرية وهو دور جديد ومكتوب كويس وإخراج أحمد نادر جلال، مخرج عظيم وفاهم شغله".