طرح المطرب رامي صبري، أغنيته الجديدة بعنوان «لما بيوحشني» على موقع الفيديوهات الشهيرة اليوتيوب، المنصات الموسيقية، وهي ثالث أغنيات ألبومه الجديد «معايا هتبدع».

الأغنية من كلمات أحمد علي موسى وألحان رامي صبري، وتوزيع موسيقي طارق توكل.

وتقول كلمات الأغنية:

لما بيوحشني بطلع صورته واكلم فيه

واسأله عن حاله وعن أحواله وعامل إيه

وبقوله وحشتني جدا .. وفرقت معايا وفعلا مش قادر  ع الشوق ولا عارف حتى اخبيه

يا ع الدنيا لما تفكر تعاندنا ليه على غفله

عن اغلى الناس تبعدنا ليه وفي ثانية تاخد مننا حبايبنا يا ع الدنيا

وتعدي ساعات وانا ماسك صورته وبحكي معاه

ماهو أكتر واحد أنا بعرف افضفض وياه

كان أكتر قلب فاهمني كان دايما بيطمني وعشان كدا أنا مش ممكن أنساه

يا ع الدنيا لما تفكر تعاندنا ليه على غفله

عن أغلى الناس تبعدنا ليه وفي ثانية تاخد مننا حبايبنا يا ع الدنيا.

وفي السياق احتفل اليوم المطرب رامي صبري بتصدر أغنيته «يمكن خير» تريند اليوتيوب بعد مرور 24 ساعة من طرحها على موقع الفيديوهات الشهير اليوتيوب، والمنصات الإلكترونية، وتعاون فيها مع  كلمات أحمد على موسى، توزيع ومكس وماستر طارق توكل.