أميرة سالم .. الإسماعيلية
فاتحة بابك ليه ونايمة فارشة خدك ليه رصيف.
دي القيامة برة قايمة واللي جايلك شىء عنيف.
سقف دارك قشة قايدة والجدار منحوت رغيف.
فارشة خدك ليه مخدة للي قصده مش شريف.
هوه بكرة جه وعدي ولا لسه الفرشة صيف.
سايبة دارك وأنت شاهدة ان كل اللمة زيف.
ما أنا أصل أبويا لو جبان كان باع حصانه واستلف.
السلف تلف ودين وانا مش مكتوف الايدين.
وانت مالك رافضة يدي أصلي آدم من سنين.
اخرس وباعت كلمتين اللى باعك أصله هندي.
والتاريخ من صفحتين واللي حافظ جد جدي.
شدي جلدي والبسيه.
خللي ضحكك من همومي دا انت بدر وضي فيه.
كوني حية لكل زيف.بخي سمك واقتليه.
ريحيلي يوم دماغي عضي قلبي وانزعيه.
بس أشوفك بعد موتي صاينة ابني وبتداديه.
بس كارثة بعد موتي ابني يقول عليه إيه.
عفري وشي بترابك أوجعي كل اللي خانك.
طلعي من الوردة جمرة واكتبي ع الواد كتابك.
واحذفي في النهر جرة اسبقي فرسان زمانك.
واكتبي ع الشط حرن