عادت المطربة غادة رجب، إلى جمهورها ومحبيها، بمناسبة عيد الحب، وطرحت أغنيتها الجديدة «كل الحب ده»، بعد فترة غياب طويلة عن الساحة الغنائية.

حيث نشرت فيديو عبر حسابها على موقع التواصل الاجتماعي فيسبوك وقالت فيه:« كل سنة وانتوا طيبين، وكل عيد حب وانتوا بخير، استنوا أغنيتي الجديدة كل الحب ده في عيد الحب».

 أغنية «كل الحب ده» من كلمات أمير طعيمة وألحان وتوزيع محمد عاطف الحلو.

وتقول كلماتها:-

معقولة كل الحب ده .. هو أنا بحلم ولا إيه

مقدرش أنا على كل ده .. ده كتير عليا اللي احنا فيه

معقول بقيت ليا انا .. شكلي  حبيبي فى يوم دعيت

مفتوحلي فيه باب السما .. خليك هنا على طول يا ريت

حبيبي جنبي وبلمسة .. مبقاش خلاص عني بعيد

كل أما حلم نخلصه .. نرجع ونحلم من جديد

هنعيش سوا وأنا بوعدك .. وأنا عارفة إن الوعد دين

هتعب علشان بس أسعدك .. متخافش أبدا من السنين

الضحكة دي أنا شوفتها .. في خيالي قبل  مشوف عنيك

واهي كل حاجه في وقتها .. دلوقتي وقت ان أبقى ليك

ويا كل حاجة بحبها .. عمري اللي باقي  ما بين أيديك

ويا جنة لما دخلتها .. نسيتني كل الدنيا بيك

يذكر أن غادة رجب أوضحت سبب غيابها الفترة الماضية عن الساحة الفنية في تصريحات صحفية سابقة:«غيابى كان بسبب الولادة والأمومة ولكن الشغل الحلو هو اللى بيفرض عليكى التواجد، لكن أنا عندى أغانى كتير والفترة الجاية هتنزل، وفى حفلات غنائية كمان».