"سنين وأنا بساعده من أيام خطوبتنا، اشتريت معاه الشقة وجحزتها، وفي النهاية طردني في الشارع وكأنه جايبني من الشارع"، بتلك الكلمات بكت منال أمام محكمة الأسرة بالدقي، بعدما تشارجت مع زوجها، وطردها من شقة الزوجية، وبعد خلاف دام أكثر من 7 أشهر، قررت إقامة دعوى طلاق للضرر حملت رقم 1829.

وبدأت منال حديثها أمام خبراء التسوية لمحكمة الأسرة، بأنها تعرفت على زوجها قبل 9 سنوات وتمت الزيجة بعد عام ونصف العام، وساعدته بنصف ثمن الشقة وكانت تصبر على أزماته المادية، وبعد أيام قليلة من اجتماعهما تحت سقف منزل واحد، بدأت معاناتها تظهر، ومعاملته جعلتها تكره العيش معه بسبب عنفه الدائم ضدها" كنت بصرف مرتبي كله عليه، وهو بيتحجج بإنه بيحوش عشان مستقبلنا، وبعد 3 سنين رزقنا ربنا بولد وبنت، واعتقدت أن المسوؤلية هتغيره، لكن الحياة بدأت في الانهيار في السنوات الأخيرة".

وأضافت: «من أيام الخطوبة كنت بساعدة في فلوس الشقة والعفش، وفضلت 8 سنين بصرف على البيت والولاد وكنت عايشة في ضغط نفسي بسبب إهانته ليا، وموخرًا بدأ يضربني ويقلل من كرامتي قدام ولادنا، ولما بدأت أرفض العنف، بقي يسيب البيت بالشهور ويقاطع الولاد عشان يجبرني احتمل أسلوبه، وأخر خناقة قالي أمشي وطردني من البيت، وبعد ما مشيت حاولت أطالب بحقي لكنه رفض وقالي إنه هيطلقني ومليش حاجه لأن الشقة باسمه»، وفقًا لحديث الزوجة أمام خبراء محكمة الأسرة.