تلقفت سؤاله منشغله تفسح لراكب

ردت بعفوية

- Premium lithium

عقب بضجر الفهلوة

-رفيع يعنى ؟!

ناولها بائع الخردوات السريح المتقافز فى المواصلات •• أربعة بطاريات صغيرة انسابت من أناملها لحقيبتها الجلدية الراقية•• وأعطته منها الثمن الرخيص !!

سألتنى بابتسامة حرج الغريب

- رايح الزمالك ده  ؟!

أمنت برأسى

••

تتطلع دهشة فى الاتجاهات والوجوه

••تليفونها المحول الهادئ يوجه حركتها

-لم يعطنى باقى ؟!

استفسرتنى

-الأجرة كام ؟!

6 جنيهات

-علشان كده ؟!

(هناك خط موازى يقل نصف جنيه)

••

استوقفتنا متلهفة فى مصر الجديدة •• وسط محادثة هاتفها •• عندما قرأت لافتة خط سيرنا •• توقف سائقنا لأجرة زبون •• اندفعت لمطلع  السلم فانطلق مطوحها بين المقاعد متطلعا أجرة زبون جديد

••

متوسطة العمر•• ممشوقة أنيقة • بنطلون محكم صوف أسود •• جاكت قطيفة مهندم •• بوت شمواه برتقالى مبطن بفراء أبيض قاعدته قماش مستوية للحركة على السجاد وخصوصية المواصلات •• جاءته غشومية مستجدة •• أفلتت فجأة من غربال بيئتها الراقية •• للزحام والمواصلات العامة •• أشفقت عليه من أسنان معدن الأرضية تهتك أستاره.

••

فرغ كرسي فردى •• اندفعت إلى خصوصية مؤقتة يسقط تليفونها من حالق ينطرح شالها الصوف معه على الأرضية •• تستسلم جالسة•• تلتقطهما ساندة بجانبها حقيبتها المفتوحة عن أخرها بأمان حسن الظن  ••تطمئن لسلامة جهازها بصوت محدثها •• سعيدة 

••

يسقط غازيا على الممر  عملاق متجبر يرتكز متصنعا على مقابض المقاعد ينذرنا بزعيقة

-أخوكم عاجز فى ساقة وعنده بنت صغيرة تقاوم الموت •• الجنيه لا يساوى عندك شىء •• لكن عندى يحقق الكثير

لم يعره أحد أنتباه 

همس أحدهم

• مفروض نشوف شغلانة تانية لطلبات التسول اليومية !!

••

رمقته مستطلعة تجهز بهدوء ورقة خمسة جنيه (حسنة مخفية) لم يرها غيرى •• دستها فى يده••

 أمنت ممتنة على دعواته •• برزقها وسترها  وصحتها

  يتقافز بعنف يهبط 

••

أشفق ولو لهذه المرة على فزعتها رؤيته يجرى فهد 

 لأقرب أتوبيس متفق مع سائقه بعمولة !!

••

-أقعدى لسا بدرى

-والله ؟!!

نبهت السائق بنزولها على الكورنيش ونحن بداية شارع الجلاء بزحامة وإشارات مروره

وقفتها مرمى احتكاكات الصاعدين والهابطين!!

••

تحرك رأسها مندهشة قلقة _صقر أسير _تؤكد اسم محطة وصولها للمحيطين والسائق الضجر

يزعق قرب المحطات الموصى عليها

••

عند محطتى يشقنى أشفاق توضيح بواكير تجاربها وما علمتنى السنين

 وبسمة تسليم باللاجدوى

 

- ربنا معاها •• ياما ها تشوف وتكويها الأيام !!

••

2

••

قلب جرىء

••

-لا نبقى فلوس لأحد !!

أطفو على نزق سيل حرجى  المعلن 

-هات الكيس وأسحب ساندوتش !!

أنفس عنادى لعيون المتلمظين لأخر (حبة فول) فى القدرة •• (قذفها متشفيا فى زحام وجوههم)••

••

صبى عربة الفول المتصدرة  الناصية وموقف الأتوبيس 

••

فى نداء صلاة الجمعة ذرى البيع 

يلحقها على الرصيف عن يساره العربة الخشبية الصغيرة الخضراء ويمينه الطاسة السوداء بزيت قلى الطعمية

••

 أنهمك فى خطبة الإمام بتحريك نيران فوهة موقدها القوى على بدن أنبوبة البوتاجاز الزرقاء ••

خبت قوتها بتجمد سائلها فى صقيع براح الميدان

••

_نصلى جماعة •• ولا نهرب من انفجارها ؟!

-سيبها لله يا حاج ••بيعملوها كل يوم وما بيحصلش حاجه

-لو جات فى المعطوبة ؟! ها نبقى شهداء  ولا مهملين ؟!!

-خلينا فى الصلاة !!

••

سابقت زحام المصلين أبتاع  كيس فول سادة

وثلاث ساندوتشات طعمية صلاطة طحينة

الحق زوجتى بإفطار متأخر

طلبى يلائم ما فى جيبى لطوارئى 

غافلا عن مفاجأت قفزات الأسعار

••

وجاءت مفاجأته ومفاجئتى

-الحساب 45 جنيه !!

بين أصابعى ورقتين بعشرين ••متوقعا اكتفاؤه بواحدة أو معها بعض الثانية

••

ضجيج الزحام ومعاناته وسط الأذرع والأكف والنقود واستعجال ساعة الرزق 

دفعتنى لرحمته من تشتيت الفكر••

قبضت ذراعه برفق

-  دقائق وأحضر لك الخمسة جنيه!!

••

 فاجأني رده

وأرتج عليه وقار صرامة غضبتى

-لا مؤاخذه يا أبا الحاج ••ما أخدتش بالى ••خلاص !!

••

••أخذتنى العزة بالحق

-خذ حقك وخلص الموضوع!

 ••

هرب إلى عمله

 من تواجدنا اللحظى فى بحر عيون

•• محرجة •• مشفقة •• معاتبة ••مترددة ••

محجمة عن مغبة حساسية الدفع ••  وأخرى متشفية!!

•• وضح أحدهم   

-لا تأخذه  يا حاج

 ••

 -أكيد فى وقفة الشارع  ••شاف  بلاوى (ما لا عين رأت )

  وصنايعى يتغرم فروق غفلته من جيبه!!

••

تباطأت  وسط عيون الفرجة   

أشوح بذراعى (تخاريف عواجيز) يسمعونى 

••

- فى أيام سعار الجشع•• لازم نعرف السعر قبل الشراء!!

••

3

••

ميت

••

بدنه المكتظ العريض ومن معه•• أغلق رحمة ربنا

وهواء  تكدس زحام

الواقفين والجالسين والهابطين والصاعدين

اعترضونا أمام باب المستشفى القبطى

قافزين ••

يستمهل سائق الميكروباص 

-لا مؤاخذة يا جماعة •• العمل ده لوجه الله ••بالصدفة  ••عرفنا بميت فى العناية المركزة•• أهله  غلابة

محتاسين فى تغسيله وكفنه وصندوق خشبى وعربة تكريم الإنسان لنقل الموتى يلحقوا بلدهم قبل (الضلمة) والليل

إكرام الميت دفنه

قلنا نقف معاهم واللى يحب يساعد جزاه الله الخير

••

تتعجلنا عيونهم لائمة  

••

تحسست نقودى أوازن ما يمكنى •• لولا بالكاد جلست وحط على شقى النهار •• لعاونتهم 

•• البركة فى الشباب

• ولا غيرى  يسد • والمرحوم ما لوش نصيب فى رزقى!!

••

تلميح أربعينية بجلباب أسود وطرحه خفيفة وكيس بلاستيك بخضروات •• أكل العيال

- هوه مات؟!

رطب الوسيم نظرته ولهجته

-الله يرحمه!!

أشاحت طرف طرحتها

••

عقبت شابة

-المستشفى فيه ترتيب بسعر مناسب •• وجمعيات خيرية لحالات الغلابة

••

تأفف المحشورون وقوفا بأطفال و حقائب ومعدات صنايعية

••

والجالسون بعرق الزحام وخنقة عادم زحف السيارات

متصبرين بسرعة وصولهم لمنازلهم ومشاويرهم

••

ومضض سكوت السارحين فى سماوات الشبابيك  والغارقين فى شاشات التليفون المحمول

والمحادثات المسموعة الغير عابئة بالخصوصيات المباحه

••

 والغارقون فى غفوات الطريق

••

وقيام أحدهم عن المقعد لعجوز وحامل وأم طفل ومصاب ومريض وذى عاهة

وفزعة إخلاء مقعده لرئيسه السابق وقد لاح فجأة فى نفس المواصلة

••

وزهق أصرار الباعة  السريحة على دوران الزحام

وإلقاء سلع فى حجرك يلمها باستهانة لوم نظرته

وأنذاره قبل النزول مش هنقول 100 ولا 50

••هنقول عشرة ••طب أخر كلام ••الاثنين بعشرة

ولا جشع المحلات ••وزهوة عتاب نصره إذا حنت عليه إحداهن بالشراء •وادى كمان طلبين ••مين تانى قبل ما ننزل

••

والنواح الأزلى (هوه ما فيش أتوبيس  يرفعوا تذكرته للتكيف والواى فاى للتليفونات وسماعات موسيقى الا ويفسد

وتلقانا نركب أتوبيس قديم بتذاكر الجديد !!

••

وعاشقان يتناجيان

••

ارتفع صغط وسكر عجوز متهالك قامت صبية لإجلاسه متأوها بساقية وركبتيه المتخاذلين عن حمله •• يضمهم خارج ضيق فواصل صفوف الكراسى متنمرا لرمى بلايا وهم تحرش أشباه النساء

وطفاسة كوب عصير  فى الحر يستهلكه فى الطريق قبل ترفيس ضغط المثانة المجهده 

ووصوله البيت بلا تعطيل يعذبه

ويحوجه للنزول لأقرب ركن مدارى فلا يعملها على نفسه

وينتظر ميكروباص أخر بتذكرة جديدة وزحام 

  ومن يعطيه مكانه أو يتغافلوه يتخبط يمينا ويسارا

بكسل المستقرين وأن الوصول بات قريباً

••

أزاح بزهق بعض السادين عليك الرؤية •• استنفره صوت (مش غريب)

- خلونى أشوف العيال دى !!

••الله ••يا واد أنت وهوه مش عملتوها أمبارح

 وصدقناكم !!عملتوا بفلوسنا ايه؟!!

••

تحرك سائقنا من فوره ••قفزوا باحتراف تباعا

متفرقين بين الناس••قبل أن نفيق 

تابعتهم عيون حتى تجاوزناهم  

••

لم يبق إلا الهمهمة والتعوذ بالله والتحسر على الضمير

-حتى الأموات  ؟!!

••

- شكلهم نظيف كانوا شافوا لهم شغلانة محترمة !!

بدل قلة القيمة دى

-عمرنا ما كنا كده