تحدثت الفنانة نهال عنبر عن علاقتها بابنها المخرج حسام الحسيني، وأحفادها، في حلقة خاصة مع الإعلامي عمرو الليثي ببرنامج «واحد من الناس ».

قالت الفنانة نهال عنبر، أنها كانت حريصة علي زواج ابنها المخرج حسام الحسيني وهو في سن صغير حتي تفرح بزواجه وأولاده لأن حسام ابنها وحيد.

وأضافت خلال لقاءها مع الإعلامي دكتور عمرو الليثي ببرنامجه واحد من الماس على شاشة الحياة ، كنت هتجنن على العزوة، وجوزت حسام وهو عنده 22 سنة، وأهلي اعترضوا لأنه كان صغير ولكني أصريت على زواجه.

وتابعت نهال:أنا أيضا تزوجت صغيرة وكان عمري 18 سنة لذا كونت علاقة صداقة وأمومة بيني وبين حسام ابني لأن الفرق بيننا ليس كبيرًا، وأنا كنت الأب والأم لحسام لأن والده كان مسافر طوال الوقت، وأنا كنت حنينه جدا وشديدة في نفس الوقت لكن مش قاسية.

كما كشفت نهال عنبر أنها خاصمت ابنها 60 يومًا قائلة: كان عاوز يروح ديسكو وأنا كنت بخاف من الحاجات دي فقلت له مش هتروح ولو عاوز تروح هروح معاك، فقال لي إزاي أنا كبرت فقلت له مش هتروح فقال لي حرام عليكي بقى، فجيت أمسك سبت الزبالة علشان أحدفه به فجري مني فقلت له لا أنا أمك ولا تعرفني لمدة شهرين.

وواصلت: أحفادي طالعين شخصيتهم قوية مثلي، وأنا أخدت ده من ماما لأنها كانت من أصول شركسية وكل حاجة عندها بنظام.