" إيكادولي " كتاب بيجمعهم من عالم تاني

فتقوله بروحها انت لقلبي مخلوق علشاني

"إيكادولي" بحبك ووجودك بيزود نوري

انا نجمة ف قلبك بتضوي و تزيد ف سروري

(1)

بتخاطر هي بحياتها علشان تلقاه

و بيحدف طوبة ف عيونها ف تقول الـ "آه"

قصتهم كانت بدايتها في بلاد أعاجيب

اتلاقوا ف غربه بتحضنهم و بسحر غريب

بيحس برعشة كده ف قلبه و بتوجع فيه

اول ما يشوفها بيستسلم م الوعي يغيب

بتخاف لا يسيبها أو يخفي عن نن العين

"إيكادولي" بتحكي بطهارة عن عشق اتنين

بيشوفها فيغرق في عيونها و يطير بالشوق

ف يغمض عينه و يستغفر و يبص لفوق ..

لازم هيصونها من نفسه و يعف القلب

الشهوة بتسكن جوانا اوقات مش حب

(2)

الحب بيسكن أوطانا و يربي جيوش

و القلب اللي يدق بجد يمسك ف حبيبوا و ما يسيبهوش

علشانها اتجنن و اتمسك و طلعله جناح

ما هو داق الحب اللي ف غيرها ما بيعرفهوش

"إيكادولي" بتكتب بريشتها قصة قلبين

و هيبدأ يحكي ف حكايتهم و افتحلي قوسين

(بحبك) عفة من قلبي في قلبك كل يوم بتنام

(بحبك) كلمه تسكني و تطرد مني اي شيطان

(بحبك) صوت بيوجعني إذا شوفت عيونك ف الاحلام

"إيكادولي" تختصر الدنيا ف حروفها اتنين

و دا "ُ حُب " بيجمع م العالم لكمال "نُصين "

و دا حلم من عالم تاني في حياته و دام

و اتغير سكنه و عنوانه بقي اسمه " مرام"

(3)

ف اللحظة الحاسمة ف حياته وسط الجمهور

و خلاص اهو راكع قدامها م الفرح يدور

بيطير و يسيبها ف أحزانها و يروح و يغيب

حبيبتي دا كان غصبٍ عني مش ممكن اسيب

يخرج م الدنيا اللي داخلها علي عكس السير

يلاقيه ف الحزن بيتخبط و يقول انا فين

مكسور العالم من غيرك و لا فيه الخير

أنا كنت معاكي من ثانية أو بس اتنين

لون الدنيا بقي من غيرك

شئ مش معقول ..

لو كنت النجمة ف علاها

ف انا لازم اطول

يتجمع عالم من ناسه و يقولوا أوهام

ينطق اسمها مليون مرة و يقول يا "مرام"

فيرد الجد بأحزانه و يقول أحلام ..

يسكت و يدمع ما هو قلبه مش حمل كلام

و يحاول و يقوم و يدور و يقول "ستكون "و يحاور ناس يسأل عنها و يقولوا مجنون

فيقوم "إيكادولي " تاني بدوره يجمع حبيبين

يركع فيقولها ما رأيك "سنكون زوجين "

سبحانه القادر وإردته من بين حرفين

فرحتك الكبري مربوطة ب "الكاف" ف "النون"

بيقول للأ مر إذا شاء هتكون فيكون

"إيكادولي" بحبك و بتربط ف الروح وريدين

رحاب فواز- دمنهور