قال المخرج خالد الحلفاوي، لإن الفنان مصطفى درويش، كان سعيدا بدوره في مسلسل "كامل العدد"، "اتخضيت لما سمعت خبر وفاته، لأنه كان لسة بيهزر من 6 ساعات على الجروب بتاعنا".

وأضاف الحلفاوي خلال استضافته في برنامج "الستات" والمذاع عبر فضائية "النهار"، قائلا: "انا مكنتش اعرفه قبل المسلسل، بس طبيعي احتكاكنا في التصوير بقينا صحاب، وبعد المسلسل فضلنا على اتصال، ويمكن ده اكتر مسلسل انا عملته الناس فضلت على اتصال بعد ما خلصوا تصوير".

وأشار: "الممثلين كلهم كانوا عيلة، فعلا محدش كان عايز يروح بعد ما خلصنا تصوير آخر يوم، وفضلوا قاعدين اربع ساعات بعد انتهاء التصوير، خلصنا بس مش عايزين نسيب بعض".

وأوضح خالد: "اختياري للفنان الراحل مصطفى درويش لمسلسل كامل العدد لأنه مختلف عن شريف سلامة حتى جسديا هو مختلف عنه، ومصطفى الله يرحمه لديه خفة دم تظهر تلقائية، فشعرت انه جنب شريف ودينا سيكون مختلفا".

واختتم خالد الحلفاوي، أنه لم يفكر على الإطلاق في زيادة عدد حلقات مسلسل كامل العدد عن 15 حلقة، مشيرا أن القصة التي تستطيع تقديمها في 5 حلقات لا تقوم بعرضها في 10 حلقات على سبيل المثال، لأن الأمر سيكون مملا، "ليه اتعمد امط وارغي، خلاص الفكرة وصلت".