حلت أمس، الفنانة فريدة سيف النصر، ضيفة في برنامج «مساء dmc»مع الإعلامية إيمان الحصري، وتحدثت عن تفاصيل تعاونها مع المخرج محمد سامي في مسلسل «جعفر العمدة»،وأيضا عن تعاونها مع المخرج ماندو العدل في مسلسل «عملة نادرة»والذين عرضوا في السباق الرمضاني المنقضي، وحققوا نجاح كبير،وكشفت أسرار عن حياتها الشخصية،ونستعرض لكم في السطور التالية أبرز تصريحاتها.
- أنا بشكر شركتنا المتحدة، مش نفاق، معروف عني إني قطر، لكن هما ألقوا الضوء على شغلنا، وناس بتدينا حقنا، بالنسبة لعملين محمد العدل بوجهله الشكر.
- أستاذ محمد سامي أنا معرفوش أول مرة أشتغل معاه، قولتله ليه جايبني في حاجة صغيرة ضيفة شرف، قالي أنا كنت عايز حد محترم مهزقش نفسه وتقيل.
-كنت بصور «جعفر العمدة» وأنا رجليا تعبانة، ومحمد رمضان يخش عليا الاستديو يقولي يا وش الخير يا وش السعد.
-ماندو العدل أصرعليا للمشاركة في مسلسل «عملة نادرة»،عمري ما قولت لحد عندك شغل إيه.
- ماندو العدل كان بيقول إبعدي عن كل حاجة، وأقعدي لغاية المشهد بسبب أن كل حاجة بتقع عليا في اللوكيشن.
-أنا ما عملتش أي عمليات تجميل ومش عارف بيطلعوا علي شائعات ملهاش أساس ليه، التجاعيد اللي ظهرت لي دي طبيعية لإني خلاص كبرت في السن.
-أنا جدة تافهة ولذيذة جدا، ومقلبني في إكسسواراتي، وباخد منهم إذن قبل ما أنزل.
-أنا مشتغلتش ولا اتجوزت تاني بسبب ابني، وكنت واخدة قرار بدا،أنا أساسا صعيدية وتركيبتي زي أمي، ومقدرش أسيب ابني مع راجل غريب وأنزل الشغل.
- كنت بيبي سيتر في المسرح الإسكندرية، وأنا الوحيدة اللي بخلص المسرح وبروح على الفندق،والفنانين كانوا عايزين يخرجوا، ولاد محمود عبد العزيز، ولاد الفيشاوي، مي وسارة ولاد نور الشريف، وسمير غانم، والمطربة شذى، وأنا كنت أقعد بكل دول.