كشفت الفنانة حورية فرغلي، حقيقة خطوبتها على الإعلامي العراقي نزار الفارس، والتي تم تداولها عبر مواقع التواصل الاجتماعي، خلال مداخلة هاتفية مع الإعلامية ريهام سعيد ببرنامج «صبايا الشمس» المذاع على فضائية الشمس.

وقالت: «كان أول مرة فتحت لهم بيتي المصورين والإضاءة والصوت وكل حاجة خاصة في البرنامج وأنا في بيتي قاعدة مع مامتي والكلب بتاعي قعد يصور». وأضافت :«هو سألني أنتي بتحبي ماجد المهندس قولتله اه طبعا بحبه وسألني تحبي ترقصي أنا كنت بجامله والناس كلها حواليا وبرحب به».

وتابعت:«عمال يصور فيديو من ورايا، ولكن محصلش خطوبه ولا حاجه ده كان انترفيو وقالي انتي سمعتي أغنيه ماجد المهندس قولتله لا قالي طب يلا نقوم نرقص عليها». واستطردت :«خطبني وانا معرفش ازاي يعني. ازاي يعني هو خطبني من مين إذا كان انا بقولك لا وأنا هرفع عليه قضية هو شاف أبويا وأمي وأخويا كل الكلام ده هزار وهو عمله وأنا كنت فاكرة أننا مش بنصور وبنهزر. وأنا فتحت لك بيتي وكنت تعبانة وعملت معاك اللقاء تعمل معايا كده ليه وعملي مشكلة».

وعقبت الإعلامية ريهام سعيد على هذا الخبر بأن فريق إعداد برنامجها تواصل معه وأكد له أن الخبر صحيح. لتعلق حورية “يعني هو خطبني وأنا العروسة ومعرفش أنا حتى مش معايا رقم تليفونه.