طمأنت الفنانة مى سليم جمهورها على حالتها الصحية بعد تعرضها لحادث سير، وذلك فى مداخلة تليفزيونية، حيث قالت: «الحمد لله، قدر الله وما شاء فعل.. وهما كانوا بينزلونى بالعربية كانوا بيقولوا نزلوها العربية بتدخن.. ومكنتش عارفة أنا عايشة ولا دا خيالى».
وأضافت: «كنت رايحة تصوير لفيلم بطولة محمد ثروت وبيومى وأستاذ حجاج.. والغلطة مش غلطتنا، كان اللى سايق قدامنا، وللأسف، كان نام  تقريباً، أو شىء مثل هذا، فدخل فى كل العربيات اللى وراه.. ولكن الحمد لله».
وتابعت الفنانة مى سليم: «أشكر كل الجمهور والناس وأصحابى اللى اتطمنوا عليا.. وساعات فيه حاجات بتحصل بتعرف غلاوتك عند الناس، وأن فيه ناس بتحبك وأنت غالى عندهم.. وعرفت أد إيه فى ناس بتحبنى».