قبل عرض فيلم «مستر إكس» بأيام قليلة، صرحت الفنانة هنا الزاهد بطلة العمل، عن مدى تعب أحمد فهمى فى الفيلم قائلة: «شهادتى مجروحة، بس عايزة أقول أحمد اشتغل على الفيلم ده أكتر من سنة، وتعب جداً فى الكتابة من قبل ما أكون حتى فى الفيلم، وكان دايماً بيحكى لى عن تفاصيل الفيلم، وهو متحمس وهو كان لسه فكرة مكتوبة على ورقة، ربنا هيعوض تعبك ومجهودك، وربنا يكرمنا على قد تعبنا فيه». وأكملت موضحة: «اشتغلنا قبل كده (الواد سيد الشحات)، وربنا كرمنا فيه، ويارب يكرمنا فى الفيلم ده كمان، أول فيلم مع بعض متحمسة الناس تشوفوه». الجدير بالذكر أن الشركة المنتجة لفيلم «مستر إكس» عرضت البرومو الرسمى الأول له منذ يومين، وقد تصدر التريند وصفحات التواصل الاجتماعى. تدور أحداث الفيلم حول رجل يمتلك شركة لخلع الرجال من زوجاتهم، يقع فى حب محامية تطالب بحقوق المرأة. الفيلم من بطولة أحمد فهمى، هنا الزاهد، بيومى فؤاد، محمود حافظ، محمد أنور، أوس أوس، وهو التعاون الثالث بين هنا الزاهد وفهمى بعد مسلسل «الواد سيد الشحات»، ومسرحية «جوازة معفرتة».